[Ganga Ashtakam] ᐈ Lyrics In Gujarati Pdf | ગંગાષ્ટકં

Ganga Ashtakam Lyrics in Gujarati

ભગવતિ તવ તીરે નીરમાત્રાશનોઽહમ્
વિગતવિષયતૃષ્ણઃ કૃષ્ણમારાધયામિ ।
સકલ કલુષભંગે સ્વર્ગસોપાનસંગે
તરલતરતરંગે દેવિ ગંગે પ્રસીદ ॥ 1 ॥

ભગવતિ ભવલીલા મૌળિમાલે તવાંભઃ
કણમણુપરિમાણં પ્રાણિનો યે સ્પૃશંતિ ।
અમરનગરનારી ચામર ગ્રાહિણીનાં
વિગત કલિકલંકાતંકમંકે લુઠંતિ ॥ 2 ॥

બ્રહ્માંડં ખંડયંતી હરશિરસિ જટાવલ્લિમુલ્લાસયંતી
સ્વર્લોકાદાપતંતી કનકગિરિગુહાગંડશૈલાત્ સ્ખલંતી ।
ક્ષોણીપૃષ્ઠે લુઠંતી દુરિતચયચમૂર્નિર્ભરં ભર્ત્સયંતી
પાથોધિં પૂરયંતી સુરનગરસરિત્પાવની નઃ પુનાતુ ॥ 3 ॥

મજ્જન્માતંગ કુંભચ્યુત મદમદિરામોદમત્તાલિજાલં
સ્નાનૈઃ સિદ્ધાંગનાનાં કુચયુગ વિલસત્કુંકુમાસંગપિંગમ્ ।
સાયં પ્રાતર્મુનીનાં કુશકુસુમચયૈશ્છિન્નતીરસ્થનીરં
પાયાન્નો ગાંગમંભઃ કરિકલભ કરાક્રાંત રંગસ્તરંગમ્ ॥ 4 ॥

આદાવાદિ પિતામહસ્ય નિયમ વ્યાપાર પાત્રે જલં
પશ્ચાત્પન્નગશાયિનો ભગવતઃ પાદોદકં પાવનમ્ ।
ભૂયઃ શંભુજટાવિભૂષણ મણિર્જહ્નોર્મહર્ષેરિયં
કન્યા કલ્મષનાશિની ભગવતી ભાગીરથી દૃશ્યતે ॥ 5 ॥

શૈલેંદ્રાદવતારિણી નિજજલે મજ્જજ્જનોત્તારિણી
પારાવારવિહારિણી ભવભયશ્રેણી સમુત્સારિણી ।
શેષાંગૈરનુકારિણી હરશિરોવલ્લીદળાકારિણી
કાશીપ્રાંતવિહારિણી વિજયતે ગંગા મનોહારિણી ॥ 6 ॥

કુતો વીચિર્વીચિસ્તવ યદિ ગતા લોચનપથં
ત્વમાપીતા પીતાંબરપુરવાસં વિતરસિ ।
ત્વદુત્સંગે ગંગે પતતિ યદિ કાયસ્તનુભૃતાં
તદા માતઃ શાંતક્રતવપદલાભોઽપ્યતિલઘુઃ ॥ 7 ॥

ગંગે ત્રૈલોક્યસારે સકલસુરવધૂધૌતવિસ્તીર્ણતોયે
પૂર્ણબ્રહ્મસ્વરૂપે હરિચરણરજોહારિણિ સ્વર્ગમાર્ગે ।
પ્રાયશ્ચિતં યદિ સ્યાત્તવ જલકણિકા બ્રહ્મહત્યાદિ પાપે
કસ્ત્વાં સ્તોતું સમર્થઃ ત્રિજગદઘહરે દેવિ ગંગે પ્રસીદ ॥ 8 ॥

માતર્જાહ્નવી શંભુસંગમિલિતે મૌળૌ નિધાયાંજલિં
ત્વત્તીરે વપુષોઽવસાનસમયે નારાયણાંઘ્રિદ્વયમ્ ।
સાનંદં સ્મરતો ભવિષ્યતિ મમ પ્રાણપ્રયાણોત્સવે
ભૂયાદ્ભક્તિરવિચ્યુતા હરિહરાદ્વૈતાત્મિકા શાશ્વતી ॥ 9 ॥

ગંગાષ્ટકમિદં પુણ્યં યઃ પઠેત્પ્રયતો નરઃ ।
સર્વપાપવિનિર્મુક્તો વિષ્ણુલોકં સ ગચ્છતિ ॥ 10 ॥

********

Leave a Reply

Your email address will not be published.