[Soundarya Lahari Stotram] ᐈ In Bengali With PDF | সৌংদর্য লহরী

Soundarya Lahari Stotram Lyrics In Bengali

প্রথম ভাগঃ – আনংদ লহরি

ভুমৌস্খলিত পাদানাম্ ভূমিরেবা বলংবনম্ ।
ত্বযী জাতা পরাধানাম্ ত্বমেব শরণম্ শিবে ॥

শিবঃ শক্ত্যা যুক্তো যদি ভবতি শক্তঃ প্রভবিতুং
ন চেদেবং দেবো ন খলু কুশলঃ স্পংদিতুমপি।
অতস্ত্বাম্ আরাধ্যাং হরি-হর-বিরিন্চাদিভি রপি
প্রণংতুং স্তোতুং বা কথ-মক্র্ত পুণ্যঃ প্রভবতি॥ 1 ॥

তনীযাংসুং পাংসুং তব চরণ পংকেরুহ-ভবং
বিরিংচিঃ সংচিন্বন্ বিরচযতি লোকা-নবিকলম্ ।
বহত্যেনং শৌরিঃ কথমপি সহস্রেণ শিরসাং
হরঃ সংক্ষুদ্-যৈনং ভজতি ভসিতোদ্ধূল নবিধিম্॥ 2 ॥

অবিদ্যানা-মংত-স্তিমির-মিহির দ্বীপনগরী
জডানাং চৈতন্য-স্তবক মকরংদ শ্রুতিঝরী ।
দরিদ্রাণাং চিংতামণি গুণনিকা জন্মজলধৌ
নিমগ্নানাং দংষ্ট্রা মুররিপু বরাহস্য ভবতি॥ 3 ॥

ত্বদন্যঃ পাণিভযা-মভযবরদো দৈবতগণঃ
ত্বমেকা নৈবাসি প্রকটিত-বরভীত্যভিনযা ।
ভযাত্ ত্রাতুং দাতুং ফলমপি চ বাংছাসমধিকং
শরণ্যে লোকানাং তব হি চরণাবেব নিপুণৌ ॥ 4 ॥

হরিস্ত্বামারধ্য প্রণত-জন-সৌভাগ্য-জননীং
পুরা নারী ভূত্বা পুররিপুমপি ক্ষোভ মনযত্ ।
স্মরোঽপি ত্বাং নত্বা রতিনযন-লেহ্যেন বপুষা
মুনীনামপ্যংতঃ প্রভবতি হি মোহায মহতাম্ ॥ 5 ॥

ধনুঃ পৌষ্পং মৌর্বী মধুকরমযী পংচ বিশিখাঃ
বসংতঃ সামংতো মলযমরু-দাযোধন-রথঃ ।
তথাপ্যেকঃ সর্বং হিমগিরিসুতে কামপি কৃপাং
অপাংগাত্তে লব্ধ্বা জগদিদ-মনংগো বিজযতে ॥ 6 ॥

ক্বণত্কাংচী-দামা করি কলভ কুংভ-স্তননতা
পরিক্ষীণা মধ্যে পরিণত শরচ্চংদ্র-বদনা ।
ধনুর্বাণান্ পাশং সৃণিমপি দধানা করতলৈঃ
পুরস্তা দাস্তাং নঃ পুরমথিতু রাহো-পুরুষিকা ॥ 7 ॥

সুধাসিংধোর্মধ্যে সুরবিট-পিবাটী-পরিবৃতে
মণিদ্বীপে নীপো-পবনবতি চিংতামণি গৃহে ।
শিবকারে মংচে পরমশিব-পর্যংক নিলযাম্
ভজংতি ত্বাং ধন্যাঃ কতিচন চিদানংদ-লহরীম্ ॥ 8 ॥

মহীং মূলাধারে কমপি মণিপূরে হুতবহং
স্থিতং স্বধিষ্টানে হৃদি মরুত-মাকাশ-মুপরি ।
মনোঽপি ভ্রূমধ্যে সকলমপি ভিত্বা কুলপথং
সহস্রারে পদ্মে স হরহসি পত্যা বিহরসে ॥ 9 ॥

সুধাধারাসারৈ-শ্চরণযুগলাংত-র্বিগলিতৈঃ
প্রপংচং সিংচংতী পুনরপি রসাম্নায-মহসঃ।
অবাপ্য স্বাং ভূমিং ভুজগনিভ-মধ্যুষ্ঠ-বলযং
স্ব মাত্মানং কৃত্বা স্বপিষি কুলকুংডে কুহরিণি ॥ 10 ॥

চতুর্ভিঃ শ্রীকংঠৈঃ শিবযুবতিভিঃ পংচভিরপি
প্রভিন্নাভিঃ শংভোর্নবভিরপি মূলপ্রকৃতিভিঃ ।
চতুশ্চত্বারিংশদ্-বসুদল-কলাশ্চ্-ত্রিবলয-
ত্রিরেখভিঃ সার্ধং তব শরণকোণাঃ পরিণতাঃ ॥ 11 ॥

ত্বদীযং সৌংদর্যং তুহিনগিরিকন্যে তুলযিতুং
কবীংদ্রাঃ কল্পংতে কথমপি বিরিংচি-প্রভৃতযঃ ।
যদালোকৌত্সুক্যা-দমরললনা যাংতি মনসা
তপোভির্দুষ্প্রাপামপি গিরিশ-সাযুজ্য-পদবীম্ ॥ 12 ॥

নরং বর্ষীযাংসং নযনবিরসং নর্মসু জডং
তবাপাংগালোকে পতিত-মনুধাবংতি শতশঃ ।
গলদ্বেণীবংধাঃ কুচকলশ-বিস্ত্রিস্ত-সিচযা
হটাত্ ত্রুট্যত্কাঞ্যো বিগলিত-দুকূলা যুবতযঃ ॥ 13 ॥

ক্ষিতৌ ষট্পংচাশদ্-দ্বিসমধিক-পংচাশ-দুদকে
হুতশে দ্বাষষ্টি-শ্চতুরধিক-পংচাশ-দনিলে ।
দিবি দ্বিঃ ষট্ ত্রিংশন্ মনসি চ চতুঃষষ্টিরিতি যে
মযূখা-স্তেষা-মপ্যুপরি তব পাদাংবুজ-যুগম্ ॥ 14 ॥

শরজ্জ্যোত্স্না শুদ্ধাং শশিযুত-জটাজূট-মকুটাং
বর-ত্রাস-ত্রাণ-স্ফটিকঘুটিকা-পুস্তক-করাম্ ।
সকৃন্ন ত্বা নত্বা কথমিব সতাং সন্নিদধতে
মধু-ক্ষীর-দ্রাক্ষা-মধুরিম-ধুরীণাঃ ফণিতযঃ ॥ 15 ॥

কবীংদ্রাণাং চেতঃ কমলবন-বালাতপ-রুচিং
ভজংতে যে সংতঃ কতিচিদরুণামেব ভবতীম্ ।
বিরিংচি-প্রেযস্যা-স্তরুণতর-শৃংগার লহরী-
গভীরাভি-র্বাগ্ভিঃ র্বিদধতি সতাং রংজনমমী ॥ 16 ॥

সবিত্রীভি-র্বাচাং চশি-মণি শিলা-ভংগ রুচিভি-
র্বশিন্যদ্যাভি-স্ত্বাং সহ জননি সংচিংতযতি যঃ ।
স কর্তা কাব্যানাং ভবতি মহতাং ভংগিরুচিভি-
র্বচোভি-র্বাগ্দেবী-বদন-কমলামোদ মধুরৈঃ ॥ 17 ॥

তনুচ্ছাযাভিস্তে তরুণ-তরণি-শ্রীসরণিভি-
র্দিবং সর্বা-মুর্বী-মরুণিমনি মগ্নাং স্মরতি যঃ ।
ভবংত্যস্য ত্রস্য-দ্বনহরিণ-শালীন-নযনাঃ
সহোর্বশ্যা বশ্যাঃ কতি কতি ন গীর্বাণ-গণিকাঃ ॥ 18 ॥

মুখং বিংদুং কৃত্বা কুচযুগমধ-স্তস্য তদধো
হরার্ধং ধ্যাযেদ্যো হরমহিষি তে মন্মথকলাম্ ।
স সদ্যঃ সংক্ষোভং নযতি বনিতা ইত্যতিলঘু
ত্রিলোকীমপ্যাশু ভ্রমযতি রবীংদু-স্তনযুগাম্ ॥ 19 ॥

কিরংতী-মংগেভ্যঃ কিরণ-নিকুরুংবমৃতরসং
হৃদি ত্বা মাধত্তে হিমকরশিলা-মূর্তিমিব যঃ ।
স সর্পাণাং দর্পং শমযতি শকুংতধিপ ইব
জ্বরপ্লুষ্টান্ দৃষ্ট্যা সুখযতি সুধাধারসিরযা ॥ 20 ॥

তটিল্লেখা-তন্বীং তপন শশি বৈশ্বানর মযীং
নিষ্ণ্ণাং ষণ্ণামপ্যুপরি কমলানাং তব কলাং ।
মহাপদ্মাতব্যাং মৃদিত-মলমাযেন মনসা
মহাংতঃ পশ্যংতো দধতি পরমাহ্লাদ-লহরীম্ ॥ 21 ॥

ভবানি ত্বং দাসে মযি বিতর দৃষ্টিং সকরুণাং
ইতি স্তোতুং বাংছন্ কথযতি ভবানি ত্বমিতি যঃ ।
তদৈব ত্বং তস্মৈ দিশসি নিজসাযুজ্য-পদবীং
মুকুংদ-ব্রম্হেংদ্র স্ফুট মকুট নীরাজিতপদাম্ ॥ 22 ॥

ত্বযা হৃত্বা বামং বপু-রপরিতৃপ্তেন মনসা
শরীরার্ধং শংভো-রপরমপি শংকে হৃতমভূত্ ।
যদেতত্ ত্বদ্রূপং সকলমরুণাভং ত্রিনযনং
কুচাভ্যামানম্রং কুটিল-শশিচূডাল-মকুটম্ ॥ 23 ॥

জগত্সূতে ধাতা হরিরবতি রুদ্রঃ ক্ষপযতে
তিরস্কুর্ব-ন্নেতত্ স্বমপি বপু-রীশ-স্তিরযতি ।
সদা পূর্বঃ সর্বং তদিদ মনুগৃহ্ণাতি চ শিব-
স্তবাজ্ঞা মলংব্য ক্ষণচলিতযো র্ভ্রূলতিকযোঃ ॥ 24 ॥

ত্রযাণাং দেবানাং ত্রিগুণ-জনিতানাং তব শিবে
ভবেত্ পূজা পূজা তব চরণযো-র্যা বিরচিতা ।
তথা হি ত্বত্পাদোদ্বহন-মণিপীঠস্য নিকটে
স্থিতা হ্যেতে-শশ্বন্মুকুলিত করোত্তংস-মকুটাঃ ॥ 25 ॥

বিরিংচিঃ পংচত্বং ব্রজতি হরিরাপ্নোতি বিরতিং
বিনাশং কীনাশো ভজতি ধনদো যাতি নিধনম্ ।
বিতংদ্রী মাহেংদ্রী-বিততিরপি সংমীলিত-দৃশা
মহাসংহারেঽস্মিন্ বিহরতি সতি ত্বত্পতি রসৌ ॥ 26 ॥

জপো জল্পঃ শিল্পং সকলমপি মুদ্রাবিরচনা
গতিঃ প্রাদক্ষিণ্য-ক্রমণ-মশনাদ্যা হুতি-বিধিঃ ।
প্রণামঃ সংবেশঃ সুখমখিল-মাত্মার্পণ-দৃশা
সপর্যা পর্যায-স্তব ভবতু যন্মে বিলসিতম্ ॥ 27 ॥

সুধামপ্যাস্বাদ্য প্রতি-ভয-জরমৃত্যু-হরিণীং
বিপদ্যংতে বিশ্বে বিধি-শতমখাদ্যা দিবিষদঃ ।
করালং যত্ ক্ষ্বেলং কবলিতবতঃ কালকলনা
ন শংভোস্তন্মূলং তব জননি তাটংক মহিমা ॥ 28 ॥

কিরীটং বৈরিংচং পরিহর পুরঃ কৈটভভিদঃ
কঠোরে কোঠীরে স্কলসি জহি জংভারি-মকুটম্ ।
প্রণম্রেষ্বেতেষু প্রসভ-মুপযাতস্য ভবনং
ভবস্যভ্যুত্থানে তব পরিজনোক্তি-র্বিজযতে ॥ 29 ॥

স্বদেহোদ্ভূতাভি-র্ঘৃণিভি-রণিমাদ্যাভি-রভিতো
নিষেব্যে নিত্যে ত্বা মহমিতি সদা ভাবযতি যঃ ।
কিমাশ্চর্যং তস্য ত্রিনযন-সমৃদ্ধিং তৃণযতো
মহাসংবর্তাগ্নি-র্বিরচযতি নীরাজনবিধিং ॥ 30 ॥

চতুঃ-ষষ্টযা তংত্রৈঃ সকল মতিসংধায ভুবনং
স্থিতস্তত্ত্ত-সিদ্ধি প্রসব পরতংত্রৈঃ পশুপতিঃ ।
পুনস্ত্ব-ন্নির্বংধা দখিল-পুরুষার্থৈক ঘটনা-
স্বতংত্রং তে তংত্রং ক্ষিতিতল মবাতীতর-দিদম্ ॥ 31 ॥

শিবঃ শক্তিঃ কামঃ ক্ষিতি-রথ রবিঃ শীতকিরণঃ
স্মরো হংসঃ শক্র-স্তদনু চ পরা-মার-হরযঃ ।
অমী হৃল্লেখাভি-স্তিসৃভি-রবসানেষু ঘটিতা
ভজংতে বর্ণাস্তে তব জননি নামাবযবতাম্ ॥ 32 ॥

স্মরং যোনিং লক্ষ্মীং ত্রিতয-মিদ-মাদৌ তব মনো
র্নিধাযৈকে নিত্যে নিরবধি-মহাভোগ-রসিকাঃ ।
ভজংতি ত্বাং চিংতামণি-গুণনিবদ্ধাক্ষ-বলযাঃ
শিবাগ্নৌ জুহ্বংতঃ সুরভিঘৃত-ধারাহুতি-শতৈ ॥ 33 ॥

শরীরং ত্বং শংভোঃ শশি-মিহির-বক্ষোরুহ-যুগং
তবাত্মানং মন্যে ভগবতি নবাত্মান-মনঘম্ ।
অতঃ শেষঃ শেষীত্যয-মুভয-সাধারণতযা
স্থিতঃ সংবংধো বাং সমরস-পরানংদ-পরযোঃ ॥ 34 ॥

মনস্ত্বং ব্যোম ত্বং মরুদসি মরুত্সারথি-রসি
ত্বমাপ-স্ত্বং ভূমি-স্ত্বযি পরিণতাযাং ন হি পরম্ ।
ত্বমেব স্বাত্মানং পরিণ্মযিতুং বিশ্ব বপুষা
চিদানংদাকারং শিবযুবতি ভাবেন বিভৃষে ॥ 35 ॥

তবাজ্ঞচক্রস্থং তপন-শশি কোটি-দ্যুতিধরং
পরং শংভু বংদে পরিমিলিত-পার্শ্বং পরচিতা ।
যমারাধ্যন্ ভক্ত্যা রবি শশি শুচীনা-মবিষযে
নিরালোকে ঽলোকে নিবসতি হি ভালোক-ভুবনে ॥ 36 ॥

বিশুদ্ধৌ তে শুদ্ধস্ফতিক বিশদং ব্যোম-জনকং
শিবং সেবে দেবীমপি শিবসমান-ব্যবসিতাম্ ।
যযোঃ কাংত্যা যাংত্যাঃ শশিকিরণ্-সারূপ্যসরণে
বিধূতাংত-র্ধ্বাংতা বিলসতি চকোরীব জগতী ॥ 37 ॥

সমুন্মীলত্ সংবিত্কমল-মকরংদৈক-রসিকং
ভজে হংসদ্বংদ্বং কিমপি মহতাং মানসচরং ।
যদালাপা-দষ্টাদশ-গুণিত-বিদ্যাপরিণতিঃ
যদাদত্তে দোষাদ্ গুণ-মখিল-মদ্ভ্যঃ পয ইব ॥ 38 ॥

তব স্বাধিষ্ঠানে হুতবহ-মধিষ্ঠায নিরতং
তমীডে সংবর্তং জননি মহতীং তাং চ সমযাম্ ।
যদালোকে লোকান্ দহতি মহসি ক্রোধ-কলিতে
দযার্দ্রা যা দৃষ্টিঃ শিশির-মুপচারং রচযতি ॥ 39 ॥

তটিত্বংতং শক্ত্যা তিমির-পরিপংথি-স্ফুরণযা
স্ফুর-ন্না নরত্নাভরণ-পরিণদ্ধেংদ্র-ধনুষম্ ।
তব শ্যামং মেঘং কমপি মণিপূরৈক-শরণং
নিষেবে বর্ষংতং-হরমিহির-তপ্তং ত্রিভুবনম্ ॥ 40 ॥

তবাধারে মূলে সহ সমযযা লাস্যপরযা
নবাত্মান মন্যে নবরস-মহাতাংডব-নটম্ ।
উভাভ্যা মেতাভ্যা-মুদয-বিধি মুদ্দিশ্য দযযা
সনাথাভ্যাং জজ্ঞে জনক জননীমত্ জগদিদম্ ॥ 41 ॥

দ্বিতীয ভাগঃ – সৌংদর্য লহরী

গতৈ-র্মাণিক্যত্বং গগনমণিভিঃ সাংদ্রঘটিতং
কিরীটং তে হৈমং হিমগিরিসুতে কীর্তযতি যঃ ॥
স নীডেযচ্ছাযা-চ্ছুরণ-শবলং চংদ্র-শকলং
ধনুঃ শৌনাসীরং কিমিতি ন নিবধ্নাতি ধিষণাং ॥ 42 ॥

ধুনোতু ধ্বাংতং ন-স্তুলিত-দলিতেংদীবর-বনং
ঘনস্নিগ্ধ-শ্লক্ষ্ণং চিকুর নিকুরুংবং তব শিবে ।
যদীযং সৌরভ্যং সহজ-মুপলব্ধুং সুমনসো
বসংত্যস্মিন্-মন্যে বলমথন বাটী-বিটপিনাম্ ॥ 43 ॥

তনোতু ক্ষেমং ন-স্তব বদনসৌংদর্যলহরী
পরীবাহস্রোতঃ-সরণিরিব সীমংতসরণিঃ।
বহংতী- সিংদূরং প্রবলকবরী-ভার-তিমির
দ্বিষাং বৃংদৈ-র্বংদীকৃতমিব নবীনার্ক কিরণম্ ॥ 44 ॥

অরালৈ স্বাভাব্যা-দলিকলভ-সশ্রীভি রলকৈঃ
পরীতং তে বক্ত্রং পরিহসতি পংকেরুহরুচিম্ ।
দরস্মেরে যস্মিন্ দশনরুচি কিংজল্ক-রুচিরে
সুগংধৌ মাদ্যংতি স্মরদহন চক্ষু-র্মধুলিহঃ ॥ 45 ॥

ললাটং লাবণ্য দ্যুতি বিমল-মাভাতি তব যত্
দ্বিতীযং তন্মন্যে মকুটঘটিতং চংদ্রশকলম্ ।
বিপর্যাস-ন্যাসা দুভযমপি সংভূয চ মিথঃ
সুধালেপস্যূতিঃ পরিণমতি রাকা-হিমকরঃ ॥ 46 ॥

ভ্রুবৌ ভুগ্নে কিংচিদ্ভুবন-ভয-ভংগব্যসনিনি
ত্বদীযে নেত্রাভ্যাং মধুকর-রুচিভ্যাং ধৃতগুণম্ ।
ধনু র্মন্যে সব্যেতরকর গৃহীতং রতিপতেঃ
প্রকোষ্টে মুষ্টৌ চ স্থগযতে নিগূঢাংতর-মুমে ॥ 47 ॥

অহঃ সূতে সব্য তব নযন-মর্কাত্মকতযা
ত্রিযামাং বামং তে সৃজতি রজনীনাযকতযা ।
তৃতীযা তে দৃষ্টি-র্দরদলিত-হেমাংবুজ-রুচিঃ
সমাধত্তে সংধ্যাং দিবসর্-নিশযো-রংতরচরীম্ ॥ 48 ॥

বিশালা কল্যাণী স্ফুতরুচি-রযোধ্যা কুবলযৈঃ
কৃপাধারাধারা কিমপি মধুরাঽঽভোগবতিকা ।
অবংতী দৃষ্টিস্তে বহুনগর-বিস্তার-বিজযা
ধ্রুবং তত্তন্নাম-ব্যবহরণ-যোগ্যাবিজযতে ॥ 49 ॥

কবীনাং সংদর্ভ-স্তবক-মকরংদৈক-রসিকং
কটাক্ষ-ব্যাক্ষেপ-ভ্রমরকলভৌ কর্ণযুগলম্ ।
অমুংচংতৌ দৃষ্ট্বা তব নবরসাস্বাদ-তরলৌ
অসূযা-সংসর্গা-দলিকনযনং কিংচিদরুণম্ ॥ 50 ॥

শিবে শৃংগারার্দ্রা তদিতরজনে কুত্সনপরা
সরোষা গংগাযাং গিরিশচরিতে বিস্মযবতী ।
হরাহিভ্যো ভীতা সরসিরুহ সৌভাগ্য-জননী
সখীষু স্মেরা তে মযি জননি দৃষ্টিঃ সকরুণা ॥ 51 ॥

গতে কর্ণাভ্যর্ণং গরুত ইব পক্ষ্মাণি দধতী
পুরাং ভেত্তু-শ্চিত্তপ্রশম-রস-বিদ্রাবণ ফলে ।
ইমে নেত্রে গোত্রাধরপতি-কুলোত্তংস-কলিকে
তবাকর্ণাকৃষ্ট স্মরশর-বিলাসং কলযতঃ॥ 52 ॥

বিভক্ত-ত্রৈবর্ণ্যং ব্যতিকরিত-লীলাংজনতযা
বিভাতি ত্বন্নেত্র ত্রিতয মিদ-মীশানদযিতে ।
পুনঃ স্রষ্টুং দেবান্ দ্রুহিণ হরি-রুদ্রানুপরতান্
রজঃ সত্বং ভিভ্রত্-তম ইতি গুণানাং ত্রযমিব ॥ 53 ॥

পবিত্রীকর্তুং নঃ পশুপতি-পরাধীন-হৃদযে
দযামিত্রৈ র্নেত্রৈ-ররুণ-ধবল-শ্যাম রুচিভিঃ ।
নদঃ শোণো গংগা তপনতনযেতি ধ্রুবমযম্
ত্রযাণাং তীর্থানা-মুপনযসি সংভেদ-মনঘম্ ॥ 54 ॥

নিমেষোন্মেষাভ্যাং প্রলযমুদযং যাতি জগতি
তবেত্যাহুঃ সংতো ধরণিধর-রাজন্যতনযে ।
ত্বদুন্মেষাজ্জাতং জগদিদ-মশেষং প্রলযতঃ
পরেত্রাতুং শংংকে পরিহৃত-নিমেষা-স্তব দৃশঃ ॥ 55 ॥

তবাপর্ণে কর্ণে জপনযন পৈশুন্য চকিতা
নিলীযংতে তোযে নিযত মনিমেষাঃ শফরিকাঃ ।
ইযং চ শ্রী-র্বদ্ধচ্ছদ পুট কবাটং কুবলযং
জহাতি প্রত্যূষে নিশি চ বিঘটয্য প্রবিশতি॥ 56 ॥

দৃশা দ্রাঘীযস্যা দরদলিত নীলোত্পল রুচা
দবীযাংসং দীনং স্নপা কৃপযা মামপি শিবে ।
অনেনাযং ধন্যো ভবতি ন চ তে হানিরিযতা
বনে বা হর্ম্যে বা সমকর নিপাতো হিমকরঃ ॥ 57 ॥

অরালং তে পালীযুগল-মগরাজন্যতনযে
ন কেষা-মাধত্তে কুসুমশর কোদংড-কুতুকম্ ।
তিরশ্চীনো যত্র শ্রবণপথ-মুল্ল্ঙ্য্য বিলসন্
অপাংগ ব্যাসংগো দিশতি শরসংধান ধিষণাম্ ॥ 58 ॥

স্ফুরদ্গংডাভোগ-প্রতিফলিত তাটংক যুগলং
চতুশ্চক্রং মন্যে তব মুখমিদং মন্মথরথম্ ।
যমারুহ্য দ্রুহ্য ত্যবনিরথ মর্কেংদুচরণং
মহাবীরো মারঃ প্রমথপতযে সজ্জিতবতে ॥ 59 ॥

সরস্বত্যাঃ সূক্তী-রমৃতলহরী কৌশলহরীঃ
পিব্নত্যাঃ শর্বাণি শ্রবণ-চুলুকাভ্যা-মবিরলম্ ।
চমত্কারঃ-শ্লাঘাচলিত-শিরসঃ কুংডলগণো
ঝণত্করৈস্তারৈঃ প্রতিবচন-মাচষ্ট ইব তে ॥ 60 ॥

অসৌ নাসাবংশ-স্তুহিনগিরিবণ্শ-ধ্বজপটি
ত্বদীযো নেদীযঃ ফলতু ফল-মস্মাকমুচিতম্ ।
বহত্যংতর্মুক্তাঃ শিশিরকর-নিশ্বাস-গলিতং
সমৃদ্ধ্যা যত্তাসাং বহিরপি চ মুক্তামণিধরঃ ॥ 61 ॥

প্রকৃত্যাঽঽরক্তাযা-স্তব সুদতি দংদচ্ছদরুচেঃ
প্রবক্ষ্যে সদৃশ্যং জনযতু ফলং বিদ্রুমলতা ।
ন বিংবং তদ্বিংব-প্রতিফলন-রাগা-দরুণিতং
তুলামধ্যারোঢুং কথমিব বিলজ্জেত কলযা ॥ 62 ॥

স্মিতজ্যোত্স্নাজালং তব বদনচংদ্রস্য পিবতাং
চকোরাণা-মাসী-দতিরসতযা চংচু-জডিমা ।
অতস্তে শীতাংশো-রমৃতলহরী মাম্লরুচযঃ
পিবংতী স্বচ্ছংদং নিশি নিশি ভৃশং কাংজি কধিযা ॥ 63 ॥

অবিশ্রাংতং পত্যুর্গুণগণ কথাম্রেডনজপা
জপাপুষ্পচ্ছাযা তব জননি জিহ্বা জযতি সা ।
যদগ্রাসীনাযাঃ স্ফটিকদৃষ-দচ্ছচ্ছবিমযি
সরস্বত্যা মূর্তিঃ পরিণমতি মাণিক্যবপুষা ॥ 64 ॥

রণে জিত্বা দৈত্যা নপহৃত-শিরস্ত্রৈঃ কবচিভিঃ
নিবৃত্তৈ-শ্চংডাংশ-ত্রিপুরহর-নির্মাল্য-বিমুখৈঃ ।
বিশাখেংদ্রোপেংদ্রৈঃ শশিবিশদ-কর্পূরশকলা
বিলীযংতে মাতস্তব বদনতাংবূল-কবলাঃ ॥ 65 ॥

বিপংচ্যা গাযংতী বিবিধ-মপদানং পশুপতে-
স্ত্বযারব্ধে বক্তুং চলিতশিরসা সাধুবচনে ।
তদীযৈ-র্মাধুর্যৈ-রপলপিত-তংত্রীকলরবাং
নিজাং বীণাং বাণীং নিচুলযতি চোলেন নিভৃতম্ ॥ 66 ॥

করগ্রেণ স্পৃষ্টং তুহিনগিরিণা বত্সলতযা
গিরিশেনো-দস্তং মুহুরধরপানাকুলতযা ।
করগ্রাহ্যং শংভোর্মুখমুকুরবৃংতং গিরিসুতে
কথংকরং ব্রূম-স্তব চুবুকমোপম্যরহিতম্ ॥ 67 ॥

ভুজাশ্লেষান্নিত্যং পুরদমযিতুঃ কন্টকবতী
তব গ্রীবা ধত্তে মুখকমলনাল-শ্রিযমিযম্ ।
স্বতঃ শ্বেতা কালা গরু বহুল-জংবালমলিনা
মৃণালীলালিত্যং বহতি যদধো হারলতিকা ॥ 68 ॥

গলে রেখাস্তিস্রো গতি গমক গীতৈক নিপুণে
বিবাহ-ব্যানদ্ধ-প্রগুণগুণ-সংখ্যা প্রতিভুবঃ ।
বিরাজংতে নানাবিধ-মধুর-রাগাকর-ভুবাং
ত্রযাণাং গ্রামাণাং স্থিতি-নিযম-সীমান ইব তে ॥ 69 ॥

মৃণালী-মৃদ্বীনাং তব ভুজলতানাং চতসৃণাং
চতুর্ভিঃ সৌংদর্যং সরসিজভবঃ স্তৌতি বদনৈঃ ।
নখেভ্যঃ সংত্রস্যন্ প্রথম-মথনা দংধকরিপোঃ
চতুর্ণাং শীর্ষাণাং সম-মভযহস্তার্পণ-ধিযা ॥ 70 ॥

নখানা-মুদ্যোতৈ-র্নবনলিনরাগং বিহসতাং
করাণাং তে কাংতিং কথয কথযামঃ কথমুমে ।
কযাচিদ্বা সাম্যং ভজতু কলযা হংত কমলং
যদি ক্রীডল্লক্ষ্মী-চরণতল-লাক্ষারস-চণম্ ॥ 71 ॥

সমং দেবি স্কংদ দ্বিপিবদন পীতং স্তনযুগং
তবেদং নঃ খেদং হরতু সততং প্রস্নুত-মুখম্ ।
যদালোক্যাশংকাকুলিত হৃদযো হাসজনকঃ
স্বকুংভৌ হেরংবঃ পরিমৃশতি হস্তেন ঝডিতি ॥ 72 ॥

অমূ তে বক্ষোজা-বমৃতরস-মাণিক্য কুতুপৌ
ন সংদেহস্পংদো নগপতি পতাকে মনসি নঃ ।
পিবংতৌ তৌ যস্মা দবিদিত বধূসংগ রসিকৌ
কুমারাবদ্যাপি দ্বিরদবদন-ক্রৌংচ্দলনৌ ॥ 73 ॥

বহত্যংব স্তংবেরম-দনুজ-কুংভপ্রকৃতিভিঃ
সমারব্ধাং মুক্তামণিভিরমলাং হারলতিকাম্ ।
কুচাভোগো বিংবাধর-রুচিভি-রংতঃ শবলিতাং
প্রতাপ-ব্যামিশ্রাং পুরদমযিতুঃ কীর্তিমিব তে ॥ 74 ॥

তব স্তন্যং মন্যে ধরণিধরকন্যে হৃদযতঃ
পযঃ পারাবারঃ পরিবহতি সারস্বতমিব ।
দযাবত্যা দত্তং দ্রবিডশিশু-রাস্বাদ্য তব যত্
কবীনাং প্রৌঢানা মজনি কমনীযঃ কবযিতা ॥ 75 ॥

হরক্রোধ-জ্বালাবলিভি-রবলীঢেন বপুষা
গভীরে তে নাভীসরসি কৃতসঙো মনসিজঃ ।
সমুত্তস্থৌ তস্মা-দচলতনযে ধূমলতিকা
জনস্তাং জানীতে তব জননি রোমাবলিরিতি ॥ 76 ॥

যদেতত্কালিংদী-তনুতর-তরংগাকৃতি শিবে
কৃশে মধ্যে কিংচিজ্জননি তব যদ্ভাতি সুধিযাম্ ।
বিমর্দা-দন্যোন্যং কুচকলশযো-রংতরগতং
তনূভূতং ব্যোম প্রবিশদিব নাভিং কুহরিণীম্ ॥ 77 ॥

স্থিরো গংগা বর্তঃ স্তনমুকুল-রোমাবলি-লতা
কলাবালং কুংডং কুসুমশর তেজো-হুতভুজঃ ।
রতে-র্লীলাগারং কিমপি তব নাভির্গিরিসুতে
বিলদ্বারং সিদ্ধে-র্গিরিশনযনানাং বিজযতে ॥ 78 ॥

নিসর্গ-ক্ষীণস্য স্তনতট-ভরেণ ক্লমজুষো
নমন্মূর্তে র্নারীতিলক শনকৈ-স্ত্রুট্যত ইব ।
চিরং তে মধ্যস্য ত্রুটিত তটিনী-তীর-তরুণা
সমাবস্থা-স্থেম্নো ভবতু কুশলং শৈলতনযে ॥ 79 ॥

কুচৌ সদ্যঃ স্বিদ্য-ত্তটঘটিত-কূর্পাসভিদুরৌ
কষংতৌ-দৌর্মূলে কনককলশাভৌ কলযতা ।
তব ত্রাতুং ভংগাদলমিতি বলগ্নং তনুভুবা
ত্রিধা নদ্ধ্ম্ দেবী ত্রিবলি লবলীবল্লিভিরিব ॥ 80 ॥

গুরুত্বং বিস্তারং ক্ষিতিধরপতিঃ পার্বতি নিজাত্
নিতংবা-দাচ্ছিদ্য ত্বযি হরণ রূপেণ নিদধে ।
অতস্তে বিস্তীর্ণো গুরুরযমশেষাং বসুমতীং
নিতংব-প্রাগ্ভারঃ স্থগযতি সঘুত্বং নযতি চ ॥ 81 ॥

করীংদ্রাণাং শুংডান্-কনককদলী-কাংডপটলীং
উভাভ্যামূরুভ্যা-মুভযমপি নির্জিত্য ভবতি ।
সুবৃত্তাভ্যাং পত্যুঃ প্রণতিকঠিনাভ্যাং গিরিসুতে
বিধিজ্ঞে জানুভ্যাং বিবুধ করিকুংভ দ্বযমসি ॥ 82 ॥

পরাজেতুং রুদ্রং দ্বিগুণশরগর্ভৌ গিরিসুতে
নিষংগৌ জংঘে তে বিষমবিশিখো বাঢ-মকৃত ।
যদগ্রে দৃস্যংতে দশশরফলাঃ পাদযুগলী
নখাগ্রচ্ছন্মানঃ সুর মুকুট-শাণৈক-নিশিতাঃ ॥ 83 ॥

শ্রুতীনাং মূর্ধানো দধতি তব যৌ শেখরতযা
মমাপ্যেতৌ মাতঃ শেরসি দযযা দেহি চরণৌ ।
যয^^ওঃ পাদ্যং পাথঃ পশুপতি জটাজূট তটিনী
যযো-র্লাক্ষা-লক্ষ্মী-ররুণ হরিচূডামণি রুচিঃ ॥ 84 ॥

নমো বাকং ব্রূমো নযন-রমণীযায পদযোঃ
তবাস্মৈ দ্বংদ্বায স্ফুট-রুচি রসালক্তকবতে ।
অসূযত্যত্যংতং যদভিহননায স্পৃহযতে
পশূনা-মীশানঃ প্রমদবন-কংকেলিতরবে ॥ 85 ॥

মৃষা কৃত্বা গোত্রস্খলন-মথ বৈলক্ষ্যনমিতং
ললাটে ভর্তারং চরণকমলে তাডযতি তে ।
চিরাদংতঃ শল্যং দহনকৃত মুন্মূলিতবতা
তুলাকোটিক্বাণৈঃ কিলিকিলিত মীশান রিপুণা ॥ 86 ॥

হিমানী হংতব্যং হিমগিরিনিবাসৈক-চতুরৌ
নিশাযাং নিদ্রাণং নিশি-চরমভাগে চ বিশদৌ ।
বরং লক্ষ্মীপাত্রং শ্রিয-মতিসৃহংতো সমযিনাং
সরোজং ত্বত্পাদৌ জননি জযত-শ্চিত্রমিহ কিম্ ॥ 87 ॥

পদং তে কীর্তীনাং প্রপদমপদং দেবি বিপদাং
কথং নীতং সদ্ভিঃ কঠিন-কমঠী-কর্পর-তুলাম্ ।
কথং বা বাহুভ্যা-মুপযমনকালে পুরভিদা
যদাদায ন্যস্তং দৃষদি দযমানেন মনসা ॥ 88 ॥

নখৈ-র্নাকস্ত্রীণাং করকমল-সংকোচ-শশিভিঃ
তরূণাং দিব্যানাং হসত ইব তে চংডি চরণৌ ।
ফলানি স্বঃস্থেভ্যঃ কিসলয-করাগ্রেণ দদতাং
দরিদ্রেভ্যো ভদ্রাং শ্রিযমনিশ-মহ্নায দদতৌ ॥ 89 ॥

দদানে দীনেভ্যঃ শ্রিযমনিশ-মাশানুসদৃশীং
অমংদং সৌংদর্যং প্রকর-মকরংদং বিকিরতি ।
তবাস্মিন্ মংদার-স্তবক-সুভগে যাতু চরণে
নিমজ্জন্ মজ্জীবঃ করণচরণঃ ষ্ট্চরণতাম্ ॥ 90 ॥

পদন্যাস-ক্রীডা পরিচয-মিবারব্ধু-মনসঃ
স্খলংতস্তে খেলং ভবনকলহংসা ন জহতি ।
অতস্তেষাং শিক্ষাং সুভগমণি-মংজীর-রণিত-
চ্ছলাদাচক্ষাণং চরণকমলং চারুচরিতে ॥ 91 ॥

গতাস্তে মংচত্বং দ্রুহিণ হরি রুদ্রেশ্বর ভৃতঃ
শিবঃ স্বচ্ছ-চ্ছাযা-ঘটিত-কপট-প্রচ্ছদপটঃ ।
ত্বদীযানাং ভাসাং প্রতিফলন রাগারুণতযা
শরীরী শৃংগারো রস ইব দৃশাং দোগ্ধি কুতুকম্ ॥ 92 ॥

অরালা কেশেষু প্রকৃতি সরলা মংদহসিতে
শিরীষাভা চিত্তে দৃষদুপলশোভা কুচতটে ।
ভৃশং তন্বী মধ্যে পৃথু-রুরসিজারোহ বিষযে
জগত্ত্রতুং শংভো-র্জযতি করুণা কাচিদরুণা ॥ 93 ॥

কলংকঃ কস্তূরী রজনিকর বিংবং জলমযং
কলাভিঃ কর্পূরৈ-র্মরকতকরংডং নিবিডিতম্ ।
অতস্ত্বদ্ভোগেন প্রতিদিনমিদং রিক্তকুহরং
বিধি-র্ভূযো ভূযো নিবিডযতি নূনং তব কৃতে ॥ 94 ॥

পুরারংতে-রংতঃ পুরমসি তত-স্ত্বচরণযোঃ
সপর্যা-মর্যাদা তরলকরণানা-মসুলভা ।
তথা হ্যেতে নীতাঃ শতমখমুখাঃ সিদ্ধিমতুলাং
তব দ্বারোপাংতঃ স্থিতিভি-রণিমাদ্যাভি-রমরাঃ ॥ 95 ॥

কলত্রং বৈধাত্রং কতিকতি ভজংতে ন কবযঃ
শ্রিযো দেব্যাঃ কো বা ন ভবতি পতিঃ কৈরপি ধনৈঃ ।
মহাদেবং হিত্বা তব সতি সতীনা-মচরমে
কুচভ্যা-মাসংগঃ কুরবক-তরো-রপ্যসুলভঃ ॥ 96 ॥

গিরামাহু-র্দেবীং দ্রুহিণগৃহিণী-মাগমবিদো
হরেঃ পত্নীং পদ্মাং হরসহচরী-মদ্রিতনযাম্ ।
তুরীযা কাপি ত্বং দুরধিগম-নিস্সীম-মহিমা
মহামাযা বিশ্বং ভ্রমযসি পরব্রহ্মমহিষি ॥ 97 ॥

কদা কালে মাতঃ কথয কলিতালক্তকরসং
পিবেযং বিদ্যার্থী তব চরণ-নির্ণেজনজলম্ ।
প্রকৃত্যা মূকানামপি চ কবিতা0কারণতযা
কদা ধত্তে বাণীমুখকমল-তাংবূল-রসতাম্ ॥ 98 ॥

সরস্বত্যা লক্ষ্ম্যা বিধি হরি সপত্নো বিহরতে
রতেঃ পতিব্রত্যং শিথিলযতি রম্যেণ বপুষা ।
চিরং জীবন্নেব ক্ষপিত-পশুপাশ-ব্যতিকরঃ
পরানংদাভিখ্যং রসযতি রসং ত্বদ্ভজনবান্ ॥ 99 ॥

প্রদীপ জ্বালাভি-র্দিবসকর-নীরাজনবিধিঃ
সুধাসূতে-শ্চংদ্রোপল-জললবৈ-রঘ্যরচনা ।
স্বকীযৈরংভোভিঃ সলিল-নিধি-সৌহিত্যকরণং
ত্বদীযাভি-র্বাগ্ভি-স্তব জননি বাচাং স্তুতিরিযম্ ॥ 100 ॥

সৌংদর্যলহরি মুখ্যস্তোত্রং সংবার্তদাযকম্ ।
ভগবদ্পাদ সন্ক্লুপ্তং পঠেন্ মুক্তৌ ভবেন্নরঃ ॥
ইতি সৌংদর্যলহরি স্তোত্রং সংপূর্ণং ।

********

Also Read:

Leave a Reply

Your email address will not be published. Required fields are marked *