[ Sri Dattatreya Vajra Kavacham] ᐈ Lyrics In Oriya/Odia Pdf | ଦତ୍ତାତ୍ରେଯ ଵଜ୍ର କଵଚମ୍

Sri Dattatreya Vajra Kavacham Lyrics in Oriya/Odia

ଋଷଯ ଊଚୁଃ ।
କଥଂ ସଂକଲ୍ପସିଦ୍ଧିଃ ସ୍ଯାଦ୍ଵେଦଵ୍ଯାସ କଲୌଯୁଗେ ।
ଧର୍ମାର୍ଥକାମମୋକ୍ଷାଣାଂ ସାଧନଂ କିମୁଦାହୃତମ୍ ॥ 1 ॥

ଵ୍ଯାସ ଉଵାଚ ।
ଶୃଣ୍ଵଂତୁ ଋଷଯସ୍ସର୍ଵେ ଶୀଘ୍ରଂ ସଂକଲ୍ପସାଧନମ୍ ।
ସକୃଦୁଚ୍ଚାରମାତ୍ରେଣ ଭୋଗମୋକ୍ଷପ୍ରଦାଯକମ୍ ॥ 2 ॥

ଗୌରୀଶୃଂଗେ ହିମଵତଃ କଲ୍ପଵୃକ୍ଷୋପଶୋଭିତମ୍ ।
ଦୀପ୍ତେ ଦିଵ୍ଯମହାରତ୍ନ ହେମମଂଡପମଧ୍ଯଗମ୍ ॥ 3 ॥

ରତ୍ନସିଂହାସନାସୀନଂ ପ୍ରସନ୍ନଂ ପରମେଶ୍ଵରମ୍ ।
ମଂଦସ୍ମିତମୁଖାଂଭୋଜଂ ଶଂକରଂ ପ୍ରାହ ପାର୍ଵତୀ ॥ 4 ॥

ଶ୍ରୀଦେଵୀ ଉଵାଚ ।
ଦେଵଦେଵ ମହାଦେଵ ଲୋକଶଂକର ଶଂକର ।
ମଂତ୍ରଜାଲାନି ସର୍ଵାଣି ଯଂତ୍ରଜାଲାନି କୃତ୍ସ୍ନଶଃ ॥ 5 ॥

ତଂତ୍ରଜାଲାନ୍ଯନେକାନି ମଯା ତ୍ଵତ୍ତଃ ଶ୍ରୁତାନି ଵୈ ।
ଇଦାନୀଂ ଦ୍ରଷ୍ଟୁମିଚ୍ଛାମି ଵିଶେଷେଣ ମହୀତଲମ୍ ॥ 6 ॥

ଇତ୍ଯୁଦୀରିତମାକର୍ଣ୍ଯ ପାର୍ଵତ୍ଯା ପରମେଶ୍ଵରଃ ।
କରେଣାମୃଜ୍ଯ ସଂତୋଷାତ୍ ପାର୍ଵତୀଂ ପ୍ରତ୍ଯଭାଷତ ॥ 7 ॥

ମଯେଦାନୀଂ ତ୍ଵଯା ସାର୍ଧଂ ଵୃଷମାରୁହ୍ଯ ଗମ୍ଯତେ ।
ଇତ୍ଯୁକ୍ତ୍ଵା ଵୃଷମାରୁହ୍ଯ ପାର୍ଵତ୍ଯା ସହ ଶଂକରଃ ॥ 8 ॥

ଯଯୌ ଭୂମଂଡଲଂ ଦ୍ରଷ୍ଟୁଂ ଗୌର୍ଯାଶ୍ଚିତ୍ରାଣି ଦର୍ଶଯନ୍ ।
କ୍ଵଚିତ୍ ଵିଂଧ୍ଯାଚଲପ୍ରାଂତେ ମହାରଣ୍ଯେ ସୁଦୁର୍ଗମେ ॥ 9 ॥

ତତ୍ର ଵ୍ଯାହର୍ତୁମାଯାଂତଂ ଭିଲ୍ଲଂ ପରଶୁଧାରିଣମ୍ ।
ଵଧ୍ଯମାନଂ ମହାଵ୍ଯାଘ୍ରଂ ନଖଦଂଷ୍ଟ୍ରାଭିରାଵୃତମ୍ ॥ 10 ॥

ଅତୀଵ ଚିତ୍ରଚାରିତ୍ର୍ଯଂ ଵଜ୍ରକାଯସମାଯୁତମ୍ ।
ଅପ୍ରଯତ୍ନମନାଯାସମଖିନ୍ନଂ ସୁଖମାସ୍ଥିତମ୍ ॥ 11 ॥

ପଲାଯଂତଂ ମୃଗଂ ପଶ୍ଚାଦ୍ଵ୍ଯାଘ୍ରୋ ଭୀତ୍ଯା ପଲାଯତଃ ।
ଏତଦାଶ୍ଚର୍ଯମାଲୋକ୍ଯ ପାର୍ଵତୀ ପ୍ରାହ ଶଂକରମ୍ ॥ 12 ॥

ଶ୍ରୀ ପାର୍ଵତ୍ଯୁଵାଚ ।
କିମାଶ୍ଚର୍ଯଂ କିମାଶ୍ଚର୍ଯମଗ୍ରେ ଶଂଭୋ ନିରୀକ୍ଷ୍ଯତାମ୍ ।
ଇତ୍ଯୁକ୍ତଃ ସ ତତଃ ଶଂଭୁର୍ଦୃଷ୍ଟ୍ଵା ପ୍ରାହ ପୁରାଣଵିତ୍ ॥ 13 ॥

ଶ୍ରୀ ଶଂକର ଉଵାଚ ।
ଗୌରି ଵକ୍ଷ୍ଯାମି ତେ ଚିତ୍ରମଵାଙ୍ମାନସଗୋଚରମ୍ ।
ଅଦୃଷ୍ଟପୂର୍ଵମସ୍ମାଭିର୍ନାସ୍ତି କିଂଚିନ୍ନ କୁତ୍ରଚିତ୍ ॥ 14 ॥

ମଯା ସମ୍ଯକ୍ ସମାସେନ ଵକ୍ଷ୍ଯତେ ଶୃଣୁ ପାର୍ଵତି ।
ଅଯଂ ଦୂରଶ୍ରଵା ନାମ ଭିଲ୍ଲଃ ପରମଧାର୍ମିକଃ ॥ 15 ॥

ସମିତ୍କୁଶପ୍ରସୂନାନି କଂଦମୂଲଫଲାଦିକମ୍ ।
ପ୍ରତ୍ଯହଂ ଵିପିନଂ ଗତ୍ଵା ସମାଦାଯ ପ୍ରଯାସତଃ ॥ 16 ॥

ପ୍ରିଯେ ପୂର୍ଵଂ ମୁନୀଂଦ୍ରେଭ୍ଯଃ ପ୍ରଯଚ୍ଛତି ନ ଵାଂଛତି ।
ତେଽପି ତସ୍ମିନ୍ନପି ଦଯାଂ କୁର୍ଵତେ ସର୍ଵମୌନିନଃ ॥ 17 ॥

ଦଲାଦନୋ ମହାଯୋଗୀ ଵସନ୍ନେଵ ନିଜାଶ୍ରମେ ।
କଦାଚିଦସ୍ମରତ୍ ସିଦ୍ଧଂ ଦତ୍ତାତ୍ରେଯଂ ଦିଗଂବରମ୍ ॥ 18 ॥

ଦତ୍ତାତ୍ରେଯଃ ସ୍ମର୍ତୃଗାମୀ ଚେତିହାସଂ ପରୀକ୍ଷିତୁମ୍ ।
ତତ୍‍କ୍ଷଣାତ୍ ସୋଽପି ଯୋଗୀଂଦ୍ରୋ ଦତ୍ତାତ୍ରେଯଃ ସମୁତ୍ଥିତଃ ॥ 19 ॥

ତଂ ଦୃଷ୍ଟ୍ଵାଶ୍ଚର୍ଯତୋଷାଭ୍ଯାଂ ଦଲାଦନମହାମୁନିଃ ।
ସଂପୂଜ୍ଯାଗ୍ରେ ଵିଷୀଦଂତଂ ଦତ୍ତାତ୍ରେଯମୁଵାଚ ତମ୍ ॥ 20 ॥

ମଯୋପହୂତଃ ସଂପ୍ରାପ୍ତୋ ଦତ୍ତାତ୍ରେଯ ମହାମୁନେ ।
ସ୍ମର୍ତୃଗାମୀ ତ୍ଵମିତ୍ଯେତତ୍ କିଂ ଵଦଂତୀ ପରୀକ୍ଷିତୁମ୍ ॥ 21 ॥

ମଯାଦ୍ଯ ସଂସ୍ମୃତୋଽସି ତ୍ଵମପରାଧଂ କ୍ଷମସ୍ଵ ମେ ।
ଦତ୍ତାତ୍ରେଯୋ ମୁନିଂ ପ୍ରାହ ମମ ପ୍ରକୃତିରୀଦୃଶୀ ॥ 22 ॥

ଅଭକ୍ତ୍ଯା ଵା ସୁଭକ୍ତ୍ଯା ଵା ଯଃ ସ୍ମରେନ୍ନାମନନ୍ଯଧୀଃ ।
ତଦାନୀଂ ତମୁପାଗମ୍ଯ ଦଦାମି ତଦଭୀପ୍ସିତମ୍ ॥ 23 ॥

ଦତ୍ତାତ୍ରେଯୋ ମୁନିଂ ପ୍ରାହ ଦଲାଦନମୁନୀଶ୍ଵରମ୍ ।
ଯଦିଷ୍ଟଂ ତଦ୍ଵୃଣୀଷ୍ଵ ତ୍ଵଂ ଯତ୍ ପ୍ରାପ୍ତୋଽହଂ ତ୍ଵଯା ସ୍ମୃତଃ ॥ 24 ॥

ଦତ୍ତାତ୍ରେଯଂ ମୁନିଂ ପ୍ରାହ ମଯା କିମପି ନୋଚ୍ଯତେ ।
ତ୍ଵଚ୍ଚିତ୍ତେ ଯତ୍ ସ୍ଥିତଂ ତନ୍ମେ ପ୍ରଯଚ୍ଛ ମୁନିପୁଂଗଵ ॥ 25 ॥

ଶ୍ରୀ ଦତ୍ତାତ୍ରେଯ ଉଵାଚ ।
ମମାସ୍ତି ଵଜ୍ରକଵଚଂ ଗୃହାଣେତ୍ଯଵଦନ୍ମୁନିମ୍ ।
ତଥେତ୍ଯଂଗୀକୃତଵତେ ଦଲାଦମୁନଯେ ମୁନିଃ ॥ 26 ॥

ସ୍ଵଵଜ୍ରକଵଚଂ ପ୍ରାହ ଋଷିଚ୍ଛଂଦଃ ପୁରସ୍ସରମ୍ ।
ନ୍ଯାସଂ ଧ୍ଯାନଂ ଫଲଂ ତତ୍ର ପ୍ରଯୋଜନମଶେଷତଃ ॥ 27 ॥

ଅସ୍ଯ ଶ୍ରୀଦତ୍ତାତ୍ରେଯ ଵଜ୍ରକଵଚ ସ୍ତୋତ୍ରମଂତ୍ରସ୍ଯ, କିରାତରୂପୀ ମହାରୁଦ୍ରୃଷିଃ, ଅନୁଷ୍ଟୁପ୍ ଛଂଦଃ, ଶ୍ରୀଦତ୍ତାତ୍ରେଯୋ ଦେଵତା, ଦ୍ରାଂ ବୀଜମ୍, ଆଂ ଶକ୍ତିଃ, କ୍ରୌଂ କୀଲକମ୍.
ଓଂ ଆତ୍ମନେ ନମଃ
ଓଂ ଦ୍ରୀଂ ମନସେ ନମଃ
ଓଂ ଆଂ ଦ୍ରୀଂ ଶ୍ରୀଂ ସୌଃ
ଓଂ କ୍ଲାଂ କ୍ଲୀଂ କ୍ଲୂଂ କ୍ଲୈଂ କ୍ଲୌଂ କ୍ଲଃ
ଶ୍ରୀ ଦତ୍ତାତ୍ରେଯ ପ୍ରସାଦ ସିଦ୍ଧ୍ଯର୍ଥେ ଜପେ ଵିନିଯୋଗଃ

କରନ୍ଯାସଃ ।
ଓଂ ଦ୍ରାଂ ଅଂଗୁଷ୍ଠାଭ୍ଯାଂ ନମଃ ।
ଓଂ ଦ୍ରୀଂ ତର୍ଜନୀଭ୍ଯାଂ ନମଃ ।
ଓଂ ଦ୍ରୂଂ ମଧ୍ଯମାଭ୍ଯାଂ ନମଃ ।
ଓଂ ଦ୍ରୈଂ ଅନାମିକାଭ୍ଯାଂ ନମଃ ।
ଓଂ ଦ୍ରୌଂ କନିଷ୍ଠିକାଭ୍ଯାଂ ନମଃ ।
ଓଂ ଦ୍ରଃ କରତଲକରପୃଷ୍ଠାଭ୍ଯାଂ ନମଃ ।

ହୃଦଯାଦିନ୍ଯାସଃ ।
ଓଂ ଦ୍ରାଂ ହୃଦଯାଯ ନମଃ ।
ଓଂ ଦ୍ରୀଂ ଶିରସେ ସ୍ଵାହା ।
ଓଂ ଦ୍ରୂଂ ଶିଖାଯୈ ଵଷଟ୍ ।
ଓଂ ଦ୍ରୈଂ କଵଚାଯ ହୁଂ ।
ଓଂ ଦ୍ରୌଂ ନେତ୍ରତ୍ରଯାଯ ଵୌଷଟ୍ ।
ଓଂ ଦ୍ରଃ ଅସ୍ତ୍ରାଯ ଫଟ୍ ।
ଓଂ ଭୂର୍ଭୁଵସ୍ସୁଵରୋମିତି ଦିଗ୍ବଂଧଃ ।

ଧ୍ଯାନଂ ।
ଜଗଦଂକୁରକଂଦାଯ ସଚ୍ଚିଦାନଂଦମୂର୍ତଯେ ।
ଦତ୍ତାତ୍ରେଯାଯ ଯୋଗୀଂଦ୍ରଚଂଦ୍ରାଯ ପରମାତ୍ମନେ ॥ 1 ॥

କଦା ଯୋଗୀ କଦା ଭୋଗୀ କଦା ନଗ୍ନଃ ପିଶାଚଵତ୍ ।
ଦତ୍ତାତ୍ରେଯୋ ହରିଃ ସାକ୍ଷାତ୍ ଭୁକ୍ତିମୁକ୍ତିପ୍ରଦାଯକଃ ॥ 2 ॥

ଵାରାଣସୀପୁରସ୍ନାଯୀ କୋଲ୍ହାପୁରଜପାଦରଃ ।
ମାହୁରୀପୁରଭୀକ୍ଷାଶୀ ସହ୍ଯଶାଯୀ ଦିଗଂବରଃ ॥ 3 ॥

ଇଂଦ୍ରନୀଲ ସମାକାରଃ ଚଂଦ୍ରକାଂତିସମଦ୍ଯୁତିଃ ।
ଵୈଢୂର୍ଯ ସଦୃଶସ୍ଫୂର୍ତିଃ ଚଲତ୍କିଂଚିଜ୍ଜଟାଧରଃ ॥ 4 ॥

ସ୍ନିଗ୍ଧଧାଵଲ୍ଯ ଯୁକ୍ତାକ୍ଷୋଽତ୍ଯଂତନୀଲ କନୀନିକଃ ।
ଭ୍ରୂଵକ୍ଷଃଶ୍ମଶ୍ରୁନୀଲାଂକଃ ଶଶାଂକସଦୃଶାନନଃ ॥ 5 ॥

ହାସନିର୍ଜିତ ନିହାରଃ କଂଠନିର୍ଜିତ କଂବୁକଃ ।
ମାଂସଲାଂସୋ ଦୀର୍ଘବାହୁଃ ପାଣିନିର୍ଜିତପଲ୍ଲଵଃ ॥ 6 ॥

ଵିଶାଲପୀନଵକ୍ଷାଶ୍ଚ ତାମ୍ରପାଣିର୍ଦଲୋଦରଃ ।
ପୃଥୁଲଶ୍ରୋଣିଲଲିତୋ ଵିଶାଲଜଘନସ୍ଥଲଃ ॥ 7 ॥

ରଂଭାସ୍ତଂଭୋପମାନୋରୁଃ ଜାନୁପୂର୍ଵୈକଜଂଘକଃ ।
ଗୂଢଗୁଲ୍ଫଃ କୂର୍ମପୃଷ୍ଠୋ ଲସତ୍ଵାଦୋପରିସ୍ଥଲଃ ॥ 8 ॥

ରକ୍ତାରଵିଂଦସଦୃଶ ରମଣୀଯ ପଦାଧରଃ ।
ଚର୍ମାଂବରଧରୋ ଯୋଗୀ ସ୍ମର୍ତୃଗାମୀ କ୍ଷଣେକ୍ଷଣେ ॥ 9 ॥

ଜ୍ଞାନୋପଦେଶନିରତୋ ଵିପଦ୍ଧରଣଦୀକ୍ଷିତଃ ।
ସିଦ୍ଧାସନସମାସୀନ ଋଜୁକାଯୋ ହସନ୍ମୁଖଃ ॥ 10 ॥

ଵାମହସ୍ତେନ ଵରଦୋ ଦକ୍ଷିଣେନାଭଯଂକରଃ ।
ବାଲୋନ୍ମତ୍ତ ପିଶାଚୀଭିଃ କ୍ଵଚିଦ୍ ଯୁକ୍ତଃ ପରୀକ୍ଷିତଃ ॥ 11 ॥

ତ୍ଯାଗୀ ଭୋଗୀ ମହାଯୋଗୀ ନିତ୍ଯାନଂଦୋ ନିରଂଜନଃ ।
ସର୍ଵରୂପୀ ସର୍ଵଦାତା ସର୍ଵଗଃ ସର୍ଵକାମଦଃ ॥ 12 ॥

ଭସ୍ମୋଦ୍ଧୂଳିତ ସର୍ଵାଂଗୋ ମହାପାତକନାଶନଃ ।
ଭୁକ୍ତିପ୍ରଦୋ ମୁକ୍ତିଦାତା ଜୀଵନ୍ମୁକ୍ତୋ ନ ସଂଶଯଃ ॥ 13 ॥

ଏଵଂ ଧ୍ଯାତ୍ଵାଽନନ୍ଯଚିତ୍ତୋ ମଦ୍ଵଜ୍ରକଵଚଂ ପଠେତ୍ ।
ମାମେଵ ପଶ୍ଯନ୍ସର୍ଵତ୍ର ସ ମଯା ସହ ସଂଚରେତ୍ ॥ 14 ॥

ଦିଗଂବରଂ ଭସ୍ମସୁଗଂଧ ଲେପନଂ
ଚକ୍ରଂ ତ୍ରିଶୂଲଂ ଢମରୁଂ ଗଦାଯୁଧମ୍ ।
ପଦ୍ମାସନଂ ଯୋଗିମୁନୀଂଦ୍ରଵଂଦିତଂ
ଦତ୍ତେତିନାମସ୍ମରଣେନ ନିତ୍ଯମ୍ ॥ 15 ॥

ପଂଚୋପଚାରପୂଜା ।

ଓଂ ଲଂ ପୃଥିଵୀତତ୍ତ୍ଵାତ୍ମନେ ଶ୍ରୀଦତ୍ତାତ୍ରେଯାଯ ନମଃ ।
ଗଂଧଂ ପରିକଲ୍ପଯାମି।

ଓଂ ହଂ ଆକାଶତତ୍ତ୍ଵାତ୍ମନେ ଶ୍ରୀଦତ୍ତାତ୍ରେଯାଯ ନମଃ ।
ପୁଷ୍ପଂ ପରିକଲ୍ପଯାମି ।

ଓଂ ଯଂ ଵାଯୁତତ୍ତ୍ଵାତ୍ମନେ ଶ୍ରୀଦତ୍ତାତ୍ରେଯାଯ ନମଃ ।
ଧୂପଂ ପରିକଲ୍ପଯାମି ।

ଓଂ ରଂ ଵହ୍ନିତତ୍ତ୍ଵାତ୍ମନେ ଶ୍ରୀଦତ୍ତାତ୍ରେଯାଯ ନମଃ ।
ଦୀପଂ ପରିକଲ୍ପଯାମି ।

ଓଂ ଵଂ ଅମୃତ ତତ୍ତ୍ଵାତ୍ମନେ ଶ୍ରୀଦତ୍ତାତ୍ରେଯାଯ ନମଃ ।
ଅମୃତନୈଵେଦ୍ଯଂ ପରିକଲ୍ପଯାମି ।

ଓଂ ସଂ ସର୍ଵତତ୍ତ୍ଵାତ୍ମନେ ଶ୍ରୀଦତ୍ତାତ୍ରେଯାଯ ନମଃ ।
ତାଂବୂଲାଦିସର୍ଵୋପଚାରାନ୍ ପରିକଲ୍ପଯାମି ।

(ଅନଂତରଂ ‘ଓଂ ଦ୍ରାଂ…’ ଇତି ମୂଲମଂତ୍ରଂ ଅଷ୍ଟୋତ୍ତରଶତଵାରଂ (108) ଜପେତ୍)

ଅଥ ଵଜ୍ରକଵଚଂ ।

ଓଂ ଦତ୍ତାତ୍ରେଯାଯ ଶିରଃପାତୁ ସହସ୍ରାବ୍ଜେଷୁ ସଂସ୍ଥିତଃ ।
ଭାଲଂ ପାତ୍ଵାନସୂଯେଯଃ ଚଂଦ୍ରମଂଡଲମଧ୍ଯଗଃ ॥ 1 ॥

କୂର୍ଚଂ ମନୋମଯଃ ପାତୁ ହଂ କ୍ଷଂ ଦ୍ଵିଦଲପଦ୍ମଭୂଃ ।
ଜ୍ଯୋତିରୂପୋଽକ୍ଷିଣୀପାତୁ ପାତୁ ଶବ୍ଦାତ୍ମକଃ ଶ୍ରୁତୀ ॥ 2 ॥

ନାସିକାଂ ପାତୁ ଗଂଧାତ୍ମା ମୁଖଂ ପାତୁ ରସାତ୍ମକଃ ।
ଜିହ୍ଵାଂ ଵେଦାତ୍ମକଃ ପାତୁ ଦଂତୋଷ୍ଠୌ ପାତୁ ଧାର୍ମିକଃ ॥ 3 ॥

କପୋଲାଵତ୍ରିଭୂଃ ପାତୁ ପାତ୍ଵଶେଷଂ ମମାତ୍ମଵିତ୍ ।
ସର୍ଵାତ୍ମା ଷୋଡଶାରାବ୍ଜସ୍ଥିତଃ ସ୍ଵାତ୍ମାଽଵତାଦ୍ ଗଲମ୍ ॥ 4 ॥

ସ୍କଂଧୌ ଚଂଦ୍ରାନୁଜଃ ପାତୁ ଭୁଜୌ ପାତୁ କୃତାଦିଭୂଃ ।
ଜତ୍ରୁଣୀ ଶତ୍ରୁଜିତ୍ ପାତୁ ପାତୁ ଵକ୍ଷସ୍ଥଲଂ ହରିଃ ॥ 5 ॥

କାଦିଠାଂତଦ୍ଵାଦଶାରପଦ୍ମଗୋ ମରୁଦାତ୍ମକଃ ।
ଯୋଗୀଶ୍ଵରେଶ୍ଵରଃ ପାତୁ ହୃଦଯଂ ହୃଦଯସ୍ଥିତଃ ॥ 6 ॥

ପାର୍ଶ୍ଵେ ହରିଃ ପାର୍ଶ୍ଵଵର୍ତୀ ପାତୁ ପାର୍ଶ୍ଵସ୍ଥିତଃ ସ୍ମୃତଃ ।
ହଠଯୋଗାଦିଯୋଗଜ୍ଞଃ କୁକ୍ଷିଂ ପାତୁ କୃପାନିଧିଃ ॥ 7 ॥

ଡକାରାଦି ଫକାରାଂତ ଦଶାରସରସୀରୁହେ ।
ନାଭିସ୍ଥଲେ ଵର୍ତମାନୋ ନାଭିଂ ଵହ୍ନ୍ଯାତ୍ମକୋଽଵତୁ ॥ 8 ॥

ଵହ୍ନିତତ୍ତ୍ଵମଯୋ ଯୋଗୀ ରକ୍ଷତାନ୍ମଣିପୂରକମ୍ ।
କଟିଂ କଟିସ୍ଥବ୍ରହ୍ମାଂଡଵାସୁଦେଵାତ୍ମକୋଽଵତୁ ॥ 9 ॥

ଵକାରାଦି ଲକାରାଂତ ଷଟ୍ପତ୍ରାଂବୁଜବୋଧକଃ ।
ଜଲତତ୍ତ୍ଵମଯୋ ଯୋଗୀ ସ୍ଵାଧିଷ୍ଠାନଂ ମମାଵତୁ ॥ 10 ॥

ସିଦ୍ଧାସନ ସମାସୀନ ଊରୂ ସିଦ୍ଧେଶ୍ଵରୋଽଵତୁ ।
ଵାଦିସାଂତ ଚତୁଷ୍ପତ୍ରସରୋରୁହ ନିବୋଧକଃ ॥ 11 ॥

ମୂଲାଧାରଂ ମହୀରୂପୋ ରକ୍ଷତାଦ୍ ଵୀର୍ଯନିଗ୍ରହୀ ।
ପୃଷ୍ଠଂ ଚ ସର୍ଵତଃ ପାତୁ ଜାନୁନ୍ଯସ୍ତକରାଂବୁଜଃ ॥ 12 ॥

ଜଂଘେ ପାତ୍ଵଵଧୂତେଂଦ୍ରଃ ପାତ୍ଵଂଘ୍ରୀ ତୀର୍ଥପାଵନଃ ।
ସର୍ଵାଂଗଂ ପାତୁ ସର୍ଵାତ୍ମା ରୋମାଣ୍ଯଵତୁ କେଶଵଃ ॥ 13 ॥

ଚର୍ମ ଚର୍ମାଂବରଃ ପାତୁ ରକ୍ତଂ ଭକ୍ତିପ୍ରିଯୋଽଵତୁ ।
ମାଂସଂ ମାଂସକରଃ ପାତୁ ମଜ୍ଜାଂ ମଜ୍ଜାତ୍ମକୋଽଵତୁ ॥ 14 ॥

ଅସ୍ଥୀନି ସ୍ଥିରଧୀଃ ପାଯାନ୍ମେଧାଂ ଵେଧାଃ ପ୍ରପାଲଯେତ୍ ।
ଶୁକ୍ରଂ ସୁଖକରଃ ପାତୁ ଚିତ୍ତଂ ପାତୁ ଦୃଢାକୃତିଃ ॥ 15 ॥

ମନୋବୁଦ୍ଧିମହଂକାରଂ ହୃଷୀକେଶାତ୍ମକୋଽଵତୁ ।
କର୍ମେଂଦ୍ରିଯାଣି ପାତ୍ଵୀଶଃ ପାତୁ ଜ୍ଞାନେଂଦ୍ରିଯାଣ୍ଯଜଃ ॥ 16 ॥

ବଂଧୂନ୍ ବଂଧୂତ୍ତମଃ ପାଯାଚ୍ଛତ୍ରୁଭ୍ଯଃ ପାତୁ ଶତ୍ରୁଜିତ୍ ।
ଗୃହାରାମଧନକ୍ଷେତ୍ରପୁତ୍ରାଦୀନ୍ ଶଂକରୋଽଵତୁ ॥ 17 ॥

ଭାର୍ଯାଂ ପ୍ରକୃତିଵିତ୍ ପାତୁ ପଶ୍ଵାଦୀନ୍ ପାତୁ ଶାର୍‍ଂଗଭୃତ୍ ।
ପ୍ରାଣାନ୍ ପାତୁ ପ୍ରଧାନଜ୍ଞୋ ଭକ୍ଷ୍ଯାଦୀନ୍ ପାତୁ ଭାସ୍କରଃ ॥ 18 ॥

ସୁଖଂ ଚଂଦ୍ରାତ୍ମକଃ ପାତୁ ଦୁଃଖାତ୍ ପାତୁ ପୁରାଂତକଃ ।
ପଶୂନ୍ ପଶୁପତିଃ ପାତୁ ଭୂତିଂ ଭୂତେଶ୍ଵରୋ ମମ ॥ 19 ॥

ପ୍ରାଚ୍ଯାଂ ଵିଷହରଃ ପାତୁ ପାତ୍ଵାଗ୍ନେଯ୍ଯାଂ ମଖାତ୍ମକଃ ।
ଯାମ୍ଯାଂ ଧର୍ମାତ୍ମକଃ ପାତୁ ନୈରୃତ୍ଯାଂ ସର୍ଵଵୈରିହୃତ୍ ॥ 20 ॥

ଵରାହଃ ପାତୁ ଵାରୁଣ୍ଯାଂ ଵାଯଵ୍ଯାଂ ପ୍ରାଣଦୋଽଵତୁ ।
କୌବେର୍ଯାଂ ଧନଦଃ ପାତୁ ପାତ୍ଵୈଶାନ୍ଯାଂ ମହାଗୁରୁଃ ॥ 21 ॥

ଊର୍ଧ୍ଵଂ ପାତୁ ମହାସିଦ୍ଧଃ ପାତ୍ଵଧସ୍ତାଜ୍ଜଟାଧରଃ ।
ରକ୍ଷାହୀନଂ ତୁ ଯତ୍ ସ୍ଥାନଂ ରକ୍ଷତ୍ଵାଦିମୁନୀଶ୍ଵରଃ ॥ 22 ॥

କରନ୍ଯାସଃ ।
ଓଂ ଦ୍ରାଂ ଅଂଗୁଷ୍ଠାଭ୍ଯାଂ ନମଃ ।
ଓଂ ଦ୍ରୀଂ ତର୍ଜନୀଭ୍ଯାଂ ନମଃ ।
ଓଂ ଦ୍ରୂଂ ମଧ୍ଯମାଭ୍ଯାଂ ନମଃ ।
ଓଂ ଦ୍ରୈଂ ଅନାମିକାଭ୍ଯାଂ ନମଃ ।
ଓଂ ଦ୍ରୌଂ କନିଷ୍ଠିକାଭ୍ଯାଂ ନମଃ ।
ଓଂ ଦ୍ରଃ କରତଲକରପୃଷ୍ଠାଭ୍ଯାଂ ନମଃ ।

ହୃଦଯାଦିନ୍ଯାସଃ ।
ଓଂ ଦ୍ରାଂ ହୃଦଯାଯ ନମଃ ।
ଓଂ ଦ୍ରୀଂ ଶିରସେ ସ୍ଵାହା ।
ଓଂ ଦ୍ରୂଂ ଶିଖାଯୈ ଵଷଟ୍ ।
ଓଂ ଦ୍ରୈଂ କଵଚାଯ ହୁଂ ।
ଓଂ ଦ୍ରୌଂ ନେତ୍ରତ୍ରଯାଯ ଵୌଷଟ୍ ।
ଓଂ ଦ୍ରଃ ଅସ୍ତ୍ରାଯ ଫଟ୍ ।
ଓଂ ଭୂର୍ଭୁଵସ୍ସୁଵରୋମିତି ଦିଗ୍ଵିମୋକଃ ।

ଫଲଶୃତି ॥

ଏତନ୍ମେ ଵଜ୍ରକଵଚଂ ଯଃ ପଠେତ୍ ଶୃଣୁଯାଦପି ।
ଵଜ୍ରକାଯଶ୍ଚିରଂଜୀଵୀ ଦତ୍ତାତ୍ରେଯୋଽହମବ୍ରୁଵମ୍ ॥ 23 ॥

ତ୍ଯାଗୀ ଭୋଗୀ ମହାଯୋଗୀ ସୁଖଦୁଃଖଵିଵର୍ଜିତଃ ।
ସର୍ଵତ୍ର ସିଦ୍ଧସଂକଲ୍ପୋ ଜୀଵନ୍ମୁକ୍ତୋଽଦ୍ଯଵର୍ତତେ ॥ 24 ॥

ଇତ୍ଯୁକ୍ତ୍ଵାଂତର୍ଦଧେ ଯୋଗୀ ଦତ୍ତାତ୍ରେଯୋ ଦିଗଂବରଃ ।
ଦଲାଦନୋଽପି ତଜ୍ଜପ୍ତ୍ଵା ଜୀଵନ୍ମୁକ୍ତଃ ସ ଵର୍ତତେ ॥ 25 ॥

ଭିଲ୍ଲୋ ଦୂରଶ୍ରଵା ନାମ ତଦାନୀଂ ଶ୍ରୁତଵାନିଦମ୍ ।
ସକୃଚ୍ଛ୍ରଵଣମାତ୍ରେଣ ଵଜ୍ରାଂଗୋଽଭଵଦପ୍ଯସୌ ॥ 26 ॥

ଇତ୍ଯେତଦ୍ ଵଜ୍ରକଵଚଂ ଦତ୍ତାତ୍ରେଯସ୍ଯ ଯୋଗିନଃ ।
ଶ୍ରୁତ୍ଵା ଶେଷଂ ଶଂଭୁମୁଖାତ୍ ପୁନରପ୍ଯାହ ପାର୍ଵତୀ ॥ 27 ॥

ଶ୍ରୀ ପାର୍ଵତ୍ଯୁଵାଚ ।

ଏତତ୍ କଵଚ ମାହାତ୍ମ୍ଯଂ ଵଦ ଵିସ୍ତରତୋ ମମ ।
କୁତ୍ର କେନ କଦା ଜାପ୍ଯଂ କିଯଜ୍ଜାପ୍ଯଂ କଥଂ କଥମ୍ ॥ 28 ॥

ଉଵାଚ ଶଂଭୁସ୍ତତ୍ ସର୍ଵଂ ପାର୍ଵତ୍ଯା ଵିନଯୋଦିତମ୍ ।

ଶ୍ରୀପରମେଶ୍ଵର ଉଵାଚ ।

ଶୃଣୁ ପାର୍ଵତି ଵକ୍ଷ୍ଯାମି ସମାହିତମନାଵିଲମ୍ ॥ 29 ॥

ଧର୍ମାର୍ଥକାମମୋକ୍ଷାଣାମିଦମେଵ ପରାଯଣମ୍ ।
ହସ୍ତ୍ଯଶ୍ଵରଥପାଦାତି ସର୍ଵୈଶ୍ଵର୍ଯ ପ୍ରଦାଯକମ୍ ॥ 30 ॥

ପୁତ୍ରମିତ୍ରକଳତ୍ରାଦି ସର୍ଵସଂତୋଷସାଧନମ୍ ।
ଵେଦଶାସ୍ତ୍ରାଦିଵିଦ୍ଯାନାଂ ଵିଧାନଂ ପରମଂ ହି ତତ୍ ॥ 31 ॥

ସଂଗୀତ ଶାସ୍ତ୍ର ସାହିତ୍ଯ ସତ୍କଵିତ୍ଵ ଵିଧାଯକମ୍ ।
ବୁଦ୍ଧି ଵିଦ୍ଯା ସ୍ମୃତି ପ୍ରଜ୍ଞା ମତି ପ୍ରୌଢିପ୍ରଦାଯକମ୍ ॥ 32 ॥

ସର୍ଵସଂତୋଷକରଣଂ ସର୍ଵଦୁଃଖନିଵାରଣମ୍ ।
ଶତ୍ରୁସଂହାରକଂ ଶୀଘ୍ରଂ ଯଶଃକୀର୍ତିଵିଵର୍ଧନମ୍ ॥ 33 ॥

ଅଷ୍ଟସଂଖ୍ଯା ମହାରୋଗାଃ ସନ୍ନିପାତାସ୍ତ୍ରଯୋଦଶ ।
ଷଣ୍ଣଵତ୍ଯକ୍ଷିରୋଗାଶ୍ଚ ଵିଂଶତିର୍ମେହରୋଗକାଃ ॥ 34 ॥

ଅଷ୍ଟାଦଶତୁ କୁଷ୍ଠାନି ଗୁଲ୍ମାନ୍ଯଷ୍ଟଵିଧାନ୍ଯପି ।
ଅଶୀତିର୍ଵାତରୋଗାଶ୍ଚ ଚତ୍ଵାରିଂଶତ୍ତୁ ପୈତ୍ତିକାଃ ॥ 35 ॥

ଵିଂଶତିଃ ଶ୍ଲେଷ୍ମରୋଗାଶ୍ଚ କ୍ଷଯଚାତୁର୍ଥିକାଦଯଃ ।
ମଂତ୍ରଯଂତ୍ରକୁଯୋଗାଦ୍ଯାଃ କଲ୍ପତଂତ୍ରାଦିନିର୍ମିତାଃ ॥ 36 ॥

ବ୍ରହ୍ମରାକ୍ଷସ ଵେତାଲକୂଷ୍ମାଂଡାଦି ଗ୍ରହୋଦ୍ଭଵାଃ ।
ସଂଗଜା ଦେଶକାଲସ୍ଥାସ୍ତାପତ୍ରଯସମୁତ୍ଥିତାଃ ॥ 37 ॥

ନଵଗ୍ରହସମୁଦ୍ଭୂତା ମହାପାତକ ସଂଭଵାଃ ।
ସର୍ଵେ ରୋଗାଃ ପ୍ରଣଶ୍ଯଂତି ସହସ୍ରାଵର୍ତନାଦ୍ ଧ୍ରୁଵମ୍ ॥ 38 ॥

ଅଯୁତାଵୃତ୍ତିମାତ୍ରେଣ ଵଂଧ୍ଯା ପୁତ୍ରଵତୀ ଭଵେତ୍ ।
ଅଯୁତଦ୍ଵିତଯାଵୃତ୍ତ୍ଯା ହ୍ଯପମୃତ୍ଯୁଜଯୋ ଭଵେତ୍ ॥ 39 ॥

ଅଯୁତତ୍ରିତଯାଚ୍ଚୈଵ ଖେଚରତ୍ଵଂ ପ୍ରଜାଯତେ ।
ସହସ୍ରାଯୁତଦର୍ଵାକ୍ ସର୍ଵକାର୍ଯାଣି ସାଧଯେତ୍ ॥ 40 ॥

ଲକ୍ଷାଵୃତ୍ତ୍ଯା ସର୍ଵସିଦ୍ଧିର୍ଭଵତ୍ଯେଵ ନ ସଂଶଯଃ ॥ 41 ॥

ଵିଷଵୃକ୍ଷସ୍ଯ ମୂଲେଷୁ ତିଷ୍ଠନ୍ ଵୈ ଦକ୍ଷିଣାମୁଖଃ ।
କୁରୁତେ ମାସମାତ୍ରେଣ ଵୈରିଣଂ ଵିକଲେଂଦ୍ରିଯମ୍ ॥ 42 ॥

ଔଦୁଂବରତରୋର୍ମୂଲେ ଵୃଦ୍ଧିକାମେନ ଜାପ୍ଯତେ ।
ଶ୍ରୀଵୃକ୍ଷମୂଲେ ଶ୍ରୀକାମୀ ତିଂତ୍ରିଣୀ ଶାଂତିକର୍ମଣି ॥ 43 ॥

ଓଜସ୍କାମୋଽଶ୍ଵତ୍ଥମୂଲେ ସ୍ତ୍ରୀକାମୈଃ ସହକାରକେ ।
ଜ୍ଞାନାର୍ଥୀ ତୁଲସୀମୂଲେ ଗର୍ଭଗେହେ ସୁତାର୍ଥିଭିଃ ॥ 44 ॥

ଧନାର୍ଥିଭିସ୍ତୁ ସୁକ୍ଷେତ୍ରେ ପଶୁକାମୈସ୍ତୁ ଗୋଷ୍ଠକେ ।
ଦେଵାଲଯେ ସର୍ଵକାମୈସ୍ତତ୍କାଲେ ସର୍ଵଦର୍ଶିତମ୍ ॥ 45 ॥

ନାଭିମାତ୍ରଜଲେ ସ୍ଥିତ୍ଵା ଭାନୁମାଲୋକ୍ଯ ଯୋ ଜପେତ୍ ।
ଯୁଦ୍ଧେ ଵା ଶାସ୍ତ୍ରଵାଦେ ଵା ସହସ୍ରେଣ ଜଯୋ ଭଵେତ୍ ॥ 46 ॥

କଂଠମାତ୍ରେ ଜଲେ ସ୍ଥିତ୍ଵା ଯୋ ରାତ୍ରୌ କଵଚଂ ପଠେତ୍ ।
ଜ୍ଵରାପସ୍ମାରକୁଷ୍ଠାଦି ତାପଜ୍ଵରନିଵାରଣମ୍ ॥ 47 ॥

ଯତ୍ର ଯତ୍ ସ୍ଯାତ୍ ସ୍ଥିରଂ ଯଦ୍ଯତ୍ ପ୍ରସକ୍ତଂ ତନ୍ନିଵର୍ତତେ ।
ତେନ ତତ୍ର ହି ଜପ୍ତଵ୍ଯଂ ତତଃ ସିଦ୍ଧିର୍ଭଵେଦ୍ଧ୍ରୁଵମ୍ ॥ 48 ॥

ଇତ୍ଯୁକ୍ତଵାନ୍ ଶିଵୋ ଗୌର୍ଵୈ ରହସ୍ଯଂ ପରମଂ ଶୁଭମ୍ ।
ଯଃ ପଠେତ୍ ଵଜ୍ରକଵଚଂ ଦତ୍ତାତ୍ରେଯ ସମୋ ଭଵେତ୍ ॥ 49 ॥

ଏଵଂ ଶିଵେନ କଥିତଂ ହିମଵତ୍ସୁତାଯୈ
ପ୍ରୋକ୍ତଂ ଦଲାଦମୁନଯେଽତ୍ରିସୁତେନ ପୂର୍ଵମ୍ ।
ଯଃ କୋଽପି ଵଜ୍ରକଵଚଂ ପଠତୀହ ଲୋକେ
ଦତ୍ତୋପମଶ୍ଚରତି ଯୋଗିଵରଶ୍ଚିରାଯୁଃ ॥ 50 ॥

ଇତି ଶ୍ରୀ ରୁଦ୍ରଯାମଳେ ହିମଵତ୍ଖଂଡେ ମଂତ୍ରଶାସ୍ତ୍ରେ ଉମାମହେଶ୍ଵରସଂଵାଦେ ଶ୍ରୀ ଦତ୍ତାତ୍ରେଯ ଵଜ୍ରକଵଚସ୍ତୋତ୍ରଂ ସଂପୂର୍ଣମ୍ ॥

********

Leave a Reply

Your email address will not be published.