[Subrahmanya Bhujanga Stotram] ᐈ Lyrics In Oriya/Odia Pdf | ସୁବ୍ରହ୍ମଣ୍ଯ ଭୁଜଂଗ

Sri Subrahmanya Bhujanga Stotram Lyrics In Oriya/Odia

ସଦା ବାଲରୂପାଽପି ଵିଘ୍ନାଦ୍ରିହଂତ୍ରୀ
ମହାଦଂତିଵକ୍ତ୍ରାଽପି ପଂଚାସ୍ଯମାନ୍ଯା ।
ଵିଧୀଂଦ୍ରାଦିମୃଗ୍ଯା ଗଣେଶାଭିଧା ମେ
ଵିଧତ୍ତାଂ ଶ୍ରିଯଂ କାଽପି କଳ୍ଯାଣମୂର୍ତିଃ ॥ 1 ॥

ନ ଜାନାମି ଶବ୍ଦଂ ନ ଜାନାମି ଚାର୍ଥଂ
ନ ଜାନାମି ପଦ୍ଯଂ ନ ଜାନାମି ଗଦ୍ଯମ୍ ।
ଚିଦେକା ଷଡାସ୍ଯା ହୃଦି ଦ୍ଯୋତତେ ମେ
ମୁଖାନ୍ନିଃସରଂତେ ଗିରଶ୍ଚାପି ଚିତ୍ରମ୍ ॥ 2 ॥

ମଯୂରାଧିରୂଢଂ ମହାଵାକ୍ଯଗୂଢଂ
ମନୋହାରିଦେହଂ ମହଚ୍ଚିତ୍ତଗେହମ୍ ।
ମହୀଦେଵଦେଵଂ ମହାଵେଦଭାଵଂ
ମହାଦେଵବାଲଂ ଭଜେ ଲୋକପାଲମ୍ ॥ 3 ॥

ଯଦା ସଂନିଧାନଂ ଗତା ମାନଵା ମେ
ଭଵାଂଭୋଧିପାରଂ ଗତାସ୍ତେ ତଦୈଵ ।
ଇତି ଵ୍ଯଂଜଯନ୍ସିଂଧୁତୀରେ ଯ ଆସ୍ତେ
ତମୀଡେ ପଵିତ୍ରଂ ପରାଶକ୍ତିପୁତ୍ରମ୍ ॥ 4 ॥

ଯଥାବ୍ଧେସ୍ତରଂଗା ଲଯଂ ଯାଂତି ତୁଂଗା-
ସ୍ତଥୈଵାପଦଃ ସଂନିଧୌ ସେଵତାଂ ମେ ।
ଇତୀଵୋର୍ମିପଂକ୍ତୀର୍ନୃଣାଂ ଦର୍ଶଯଂତଂ
ସଦା ଭାଵଯେ ହୃତ୍ସରୋଜେ ଗୁହଂ ତମ୍ ॥ 5 ॥

ଗିରୌ ମନ୍ନିଵାସେ ନରା ଯେଽଧିରୂଢା-
ସ୍ତଦା ପର୍ଵତେ ରାଜତେ ତେଽଧିରୂଢାଃ ।
ଇତୀଵ ବ୍ରୁଵନ୍ଗଂଧଶୈଲାଧିରୂଢଃ
ସ ଦେଵୋ ମୁଦେ ମେ ସଦା ଷଣ୍ମୁଖୋଽସ୍ତୁ ॥ 6 ॥

ମହାଂଭୋଧିତୀରେ ମହାପାପଚୋରେ
ମୁନୀଂଦ୍ରାନୁକୂଲେ ସୁଗଂଧାଖ୍ଯଶୈଲେ ।
ଗୁହାଯାଂ ଵସଂତଂ ସ୍ଵଭାସା ଲସଂତଂ
ଜନାର୍ତିଂ ହରଂତଂ ଶ୍ରଯାମୋ ଗୁହଂ ତମ୍ ॥ 7 ॥

ଲସତ୍ସ୍ଵର୍ଣଗେହେ ନୃଣାଂ କାମଦୋହେ
ସୁମସ୍ତୋମସଂଛନ୍ନମାଣିକ୍ଯମଂଚେ ।
ସମୁଦ୍ଯତ୍ସହସ୍ରାର୍କତୁଲ୍ଯପ୍ରକାଶଂ
ସଦା ଭାଵଯେ କାର୍ତିକେଯଂ ସୁରେଶମ୍ ॥ 8 ॥

ରଣଦ୍ଧଂସକେ ମଂଜୁଲେଽତ୍ଯଂତଶୋଣେ
ମନୋହାରିଲାଵଣ୍ଯପୀଯୂଷପୂର୍ଣେ ।
ମନଃଷଟ୍ପଦୋ ମେ ଭଵକ୍ଲେଶତପ୍ତଃ
ସଦା ମୋଦତାଂ ସ୍କଂଦ ତେ ପାଦପଦ୍ମେ ॥ 9 ॥

ସୁଵର୍ଣାଭଦିଵ୍ଯାଂବରୈର୍ଭାସମାନାଂ
କ୍ଵଣତ୍କିଂକିଣୀମେଖଲାଶୋଭମାନାମ୍ ।
ଲସଦ୍ଧେମପଟ୍ଟେନ ଵିଦ୍ଯୋତମାନାଂ
କଟିଂ ଭାଵଯେ ସ୍କଂଦ ତେ ଦୀପ୍ଯମାନାମ୍ ॥ 10 ॥

ପୁଲିଂଦେଶକନ୍ଯାଘନାଭୋଗତୁଂଗ-
ସ୍ତନାଲିଂଗନାସକ୍ତକାଶ୍ମୀରରାଗମ୍ ।
ନମସ୍ଯାମ୍ଯହଂ ତାରକାରେ ତଵୋରଃ
ସ୍ଵଭକ୍ତାଵନେ ସର୍ଵଦା ସାନୁରାଗମ୍ ॥ 11 ॥

ଵିଧୌ କ୍ଲୃପ୍ତଦଂଡାନ୍ସ୍ଵଲୀଲାଧୃତାଂଡା-
ନ୍ନିରସ୍ତେଭଶୁଂଡାଂଦ୍ଵିଷତ୍କାଲଦଂଡାନ୍ ।
ହତେଂଦ୍ରାରିଷଂଡାନ୍ଜଗତ୍ରାଣଶୌଂଡା-
ନ୍ସଦା ତେ ପ୍ରଚଂଡାନ୍ଶ୍ରଯେ ବାହୁଦଂଡାନ୍ ॥ 12 ॥

ସଦା ଶାରଦାଃ ଷଣ୍ମୃଗାଂକା ଯଦି ସ୍ଯୁଃ
ସମୁଦ୍ଯଂତ ଏଵ ସ୍ଥିତାଶ୍ଚେତ୍ସମଂତାତ୍ ।
ସଦା ପୂର୍ଣବିଂବାଃ କଳଂକୈଶ୍ଚ ହୀନା-
ସ୍ତଦା ତ୍ଵନ୍ମୁଖାନାଂ ବ୍ରୁଵେ ସ୍କଂଦ ସାମ୍ଯମ୍ ॥ 13 ॥

ସ୍ଫୁରନ୍ମଂଦହାସୈଃ ସହଂସାନି ଚଂଚ-
ତ୍କଟାକ୍ଷାଵଲୀଭୃଂଗସଂଘୋଜ୍ଜ୍ଵଲାନି ।
ସୁଧାସ୍ଯଂଦିବିଂବାଧରାଣୀଶସୂନୋ
ତଵାଲୋକଯେ ଷଣ୍ମୁଖାଂଭୋରୁହାଣି ॥ 14 ॥

ଵିଶାଲେଷୁ କର୍ଣାଂତଦୀର୍ଘେଷ୍ଵଜସ୍ରଂ
ଦଯାସ୍ଯଂଦିଷୁ ଦ୍ଵାଦଶସ୍ଵୀକ୍ଷଣେଷୁ ।
ମଯୀଷତ୍କଟାକ୍ଷଃ ସକୃତ୍ପାତିତଶ୍ଚେ-
ଦ୍ଭଵେତ୍ତେ ଦଯାଶୀଲ କା ନାମ ହାନିଃ ॥ 15 ॥

ସୁତାଂଗୋଦ୍ଭଵୋ ମେଽସି ଜୀଵେତି ଷଡ୍ଧା
ଜପନ୍ମଂତ୍ରମୀଶୋ ମୁଦା ଜିଘ୍ରତେ ଯାନ୍ ।
ଜଗଦ୍ଭାରଭୃଦ୍ଭ୍ଯୋ ଜଗନ୍ନାଥ ତେଭ୍ଯଃ
କିରୀଟୋଜ୍ଜ୍ଵଲେଭ୍ଯୋ ନମୋ ମସ୍ତକେଭ୍ଯଃ ॥ 16 ॥

ସ୍ଫୁରଦ୍ରତ୍ନକେଯୂରହାରାଭିରାମ-
ଶ୍ଚଲତ୍କୁଂଡଲଶ୍ରୀଲସଦ୍ଗଂଡଭାଗଃ ।
କଟୌ ପୀତଵାସାଃ କରେ ଚାରୁଶକ୍ତିଃ
ପୁରସ୍ତାନ୍ମମାସ୍ତାଂ ପୁରାରେସ୍ତନୂଜଃ ॥ 17 ॥

ଇହାଯାହି ଵତ୍ସେତି ହସ୍ତାନ୍ପ୍ରସାର୍ଯା-
ହ୍ଵଯତ୍ଯାଦରାଚ୍ଛଂକରେ ମାତୁରଂକାତ୍ ।
ସମୁତ୍ପତ୍ଯ ତାତଂ ଶ୍ରଯଂତଂ କୁମାରଂ
ହରାଶ୍ଲିଷ୍ଟଗାତ୍ରଂ ଭଜେ ବାଲମୂର୍ତିମ୍ ॥ 18 ॥

କୁମାରେଶସୂନୋ ଗୁହ ସ୍କଂଦ ସେନା-
ପତେ ଶକ୍ତିପାଣେ ମଯୂରାଧିରୂଢ ।
ପୁଲିଂଦାତ୍ମଜାକାଂତ ଭକ୍ତାର୍ତିହାରିନ୍
ପ୍ରଭୋ ତାରକାରେ ସଦା ରକ୍ଷ ମାଂ ତ୍ଵମ୍ ॥ 19 ॥

ପ୍ରଶାଂତେଂଦ୍ରିଯେ ନଷ୍ଟସଂଜ୍ଞେ ଵିଚେଷ୍ଟେ
କଫୋଦ୍ଗାରିଵକ୍ତ୍ରେ ଭଯୋତ୍କଂପିଗାତ୍ରେ ।
ପ୍ରଯାଣୋନ୍ମୁଖେ ମଯ୍ଯନାଥେ ତଦାନୀଂ
ଦ୍ରୁତଂ ମେ ଦଯାଲୋ ଭଵାଗ୍ରେ ଗୁହ ତ୍ଵମ୍ ॥ 20 ॥

କୃତାଂତସ୍ଯ ଦୂତେଷୁ ଚଂଡେଷୁ କୋପା-
ଦ୍ଦହଚ୍ଛିଂଦ୍ଧି ଭିଂଦ୍ଧୀତି ମାଂ ତର୍ଜଯତ୍ସୁ ।
ମଯୂରଂ ସମାରୁହ୍ଯ ମା ଭୈରିତି ତ୍ଵଂ
ପୁରଃ ଶକ୍ତିପାଣିର୍ମମାଯାହି ଶୀଘ୍ରମ୍ ॥ 21 ॥

ପ୍ରଣମ୍ଯାସକୃତ୍ପାଦଯୋସ୍ତେ ପତିତ୍ଵା
ପ୍ରସାଦ୍ଯ ପ୍ରଭୋ ପ୍ରାର୍ଥଯେଽନେକଵାରମ୍ ।
ନ ଵକ୍ତୁଂ କ୍ଷମୋଽହଂ ତଦାନୀଂ କୃପାବ୍ଧେ
ନ କାର୍ଯାଂତକାଲେ ମନାଗପ୍ଯୁପେକ୍ଷା ॥ 22 ॥

ସହସ୍ରାଂଡଭୋକ୍ତା ତ୍ଵଯା ଶୂରନାମା
ହତସ୍ତାରକଃ ସିଂହଵକ୍ତ୍ରଶ୍ଚ ଦୈତ୍ଯଃ ।
ମମାଂତର୍ହୃଦିସ୍ଥଂ ମନଃକ୍ଲେଶମେକଂ
ନ ହଂସି ପ୍ରଭୋ କିଂ କରୋମି କ୍ଵ ଯାମି ॥ 23 ॥

ଅହଂ ସର୍ଵଦା ଦୁଃଖଭାରାଵସନ୍ନୋ
ଭଵାଂଦୀନବଂଧୁସ୍ତ୍ଵଦନ୍ଯଂ ନ ଯାଚେ ।
ଭଵଦ୍ଭକ୍ତିରୋଧଂ ସଦା କ୍ଲୃପ୍ତବାଧଂ
ମମାଧିଂ ଦ୍ରୁତଂ ନାଶଯୋମାସୁତ ତ୍ଵମ୍ ॥ 24 ॥

ଅପସ୍ମାରକୁଷ୍ଟକ୍ଷଯାର୍ଶଃ ପ୍ରମେହ-
ଜ୍ଵରୋନ୍ମାଦଗୁଲ୍ମାଦିରୋଗା ମହାଂତଃ ।
ପିଶାଚାଶ୍ଚ ସର୍ଵେ ଭଵତ୍ପତ୍ରଭୂତିଂ
ଵିଲୋକ୍ଯ କ୍ଷଣାତ୍ତାରକାରେ ଦ୍ରଵଂତେ ॥ 25 ॥

ଦୃଶି ସ୍କଂଦମୂର୍ତିଃ ଶ୍ରୁତୌ ସ୍କଂଦକୀର୍ତି-
ର୍ମୁଖେ ମେ ପଵିତ୍ରଂ ସଦା ତଚ୍ଚରିତ୍ରମ୍ ।
କରେ ତସ୍ଯ କୃତ୍ଯଂ ଵପୁସ୍ତସ୍ଯ ଭୃତ୍ଯଂ
ଗୁହେ ସଂତୁ ଲୀନା ମମାଶେଷଭାଵାଃ ॥ 26 ॥

ମୁନୀନାମୁତାହୋ ନୃଣାଂ ଭକ୍ତିଭାଜା-
ମଭୀଷ୍ଟପ୍ରଦାଃ ସଂତି ସର୍ଵତ୍ର ଦେଵାଃ ।
ନୃଣାମଂତ୍ଯଜାନାମପି ସ୍ଵାର୍ଥଦାନେ
ଗୁହାଦ୍ଦେଵମନ୍ଯଂ ନ ଜାନେ ନ ଜାନେ ॥ 27 ॥

କଲତ୍ରଂ ସୁତା ବଂଧୁଵର୍ଗଃ ପଶୁର୍ଵା
ନରୋ ଵାଥ ନାରୀ ଗୃହେ ଯେ ମଦୀଯାଃ ।
ଯଜଂତୋ ନମଂତଃ ସ୍ତୁଵଂତୋ ଭଵଂତଂ
ସ୍ମରଂତଶ୍ଚ ତେ ସଂତୁ ସର୍ଵେ କୁମାର ॥ 28 ॥

ମୃଗାଃ ପକ୍ଷିଣୋ ଦଂଶକା ଯେ ଚ ଦୁଷ୍ଟା-
ସ୍ତଥା ଵ୍ଯାଧଯୋ ବାଧକା ଯେ ମଦଂଗେ ।
ଭଵଚ୍ଛକ୍ତିତୀକ୍ଷ୍ଣାଗ୍ରଭିନ୍ନାଃ ସୁଦୂରେ
ଵିନଶ୍ଯଂତୁ ତେ ଚୂର୍ଣିତକ୍ରୌଂଚଶୈଲ ॥ 29 ॥

ଜନିତ୍ରୀ ପିତା ଚ ସ୍ଵପୁତ୍ରାପରାଧଂ
ସହେତେ ନ କିଂ ଦେଵସେନାଧିନାଥ ।
ଅହଂ ଚାତିବାଲୋ ଭଵାନ୍ ଲୋକତାତଃ
କ୍ଷମସ୍ଵାପରାଧଂ ସମସ୍ତଂ ମହେଶ ॥ 30 ॥

ନମଃ କେକିନେ ଶକ୍ତଯେ ଚାପି ତୁଭ୍ଯଂ
ନମଶ୍ଛାଗ ତୁଭ୍ଯଂ ନମଃ କୁକ୍କୁଟାଯ ।
ନମଃ ସିଂଧଵେ ସିଂଧୁଦେଶାଯ ତୁଭ୍ଯଂ
ପୁନଃ ସ୍କଂଦମୂର୍ତେ ନମସ୍ତେ ନମୋଽସ୍ତୁ ॥ 31 ॥

ଜଯାନଂଦଭୂମଂ ଜଯାପାରଧାମଂ
ଜଯାମୋଘକୀର୍ତେ ଜଯାନଂଦମୂର୍ତେ ।
ଜଯାନଂଦସିଂଧୋ ଜଯାଶେଷବଂଧୋ
ଜଯ ତ୍ଵଂ ସଦା ମୁକ୍ତିଦାନେଶସୂନୋ ॥ 32 ॥

ଭୁଜଂଗାଖ୍ଯଵୃତ୍ତେନ କ୍ଲୃପ୍ତଂ ସ୍ତଵଂ ଯଃ
ପଠେଦ୍ଭକ୍ତିଯୁକ୍ତୋ ଗୁହଂ ସଂପ୍ରଣମ୍ଯ ।
ସ ପୁତ୍ରାନ୍କଲତ୍ରଂ ଧନଂ ଦୀର୍ଘମାଯୁ-
ର୍ଲଭେତ୍ସ୍କଂଦସାଯୁଜ୍ଯମଂତେ ନରଃ ସଃ ॥ 33 ॥

********

Leave a Reply

Your email address will not be published.